بعد أن تدوال رواد مواقع التواصل الاجتماعي منذ أيام صورة قديمة للمطرب تامر حسني قبل شهرته وسخر عدد كبير من مظهره وشكله في ذلك الوقت، وقرار تامر أن يخرج عن صمته ويوجه رسالة لهم، بالإضافة إلى تضامن عدد كبير من الفنانون معه بنشر صورة فى مرحلة الشباب أو ما قبل الشهرة وكأن أخرهم المطرب الشعبي سعد الصغير.
ونشر سعد الصغير عبر صفحته الرسمية على موقع التواصل الاجتماعي الشهير Facebook صورة له فى بدايته الفنية بجانب صورة تامر حسني.
وعلق سعد الصغير على الصور كاتباً :"بعد اذن حضرتكو ممكن تشوفو الكلام ده كويس وياريت للاخر، اليومين دول شايف كافنان متابع كل ماهو جديد علي ناس بتتريق علي صوره الفنان المحترم تامر حسني، المشكله مش هكلم علشان تامر بس المشكله .نفسي كل واحد يعرف الفنان او اي حد تعب في المجال بتاعو لي حد لما بقا فنان ومشهور عمل اي في حياتو من وهو #صغير . ياعني انا في الصوره دي من وانا صغير وكنت شاب لسه ولا اقدر اتكسف انزلها ولا اي حاجه #وانت يالي بتتريق شوف نفسك مش من وانت صغير شوف من كام سنه شكلك كان عامل ازاي ودلوقتي في اختلاف كبير ازاي .نركز شويه بقا في الكلام الي جاي #اقسم بالله انا اشتغلت كل شغلانه في الدنيا حضرتكو تتخيلوها وكل فنان محترم اكترهوم كانو كدا علشان يوصلو للي هما في دلوقتي
١-من تعب تحت الصفر .لي حد ماعمل نفسو بنفسو علشان كان حلم من وانت صغير بتحبو ونفسك لو توصل بس لو حاجة منو
٢-انا عن نفسي والله تعبت اوي اوي ونفس النظام حصلي في سنه من السنوات صوره ليا انا وامي بناكل زي اي حد وكتبو سعد الصغير وهو فقير #الفقر لايمكن يكون عيب او اي حاجة بالعكس بيصنع رجال في يقدار يعتمد علي نفسو في حياتو الشخصيه والمسئوليه ... اسال نفسك لاعيب كوره القدم من عرق ومن شمس بتتعبو ومن تمارين واسال نفسك من فنان سهران طول الليل وتصوير وتعبان علشان اكل العيش في الاخر ويصنع نفسو ويبقا مشهور #لو سمحت ياريت قبل مانتريق شوف ده بقا اي وانت اي مع احترامي للجميع شكرا".
اقرأ أيضاً
تامر حسني وحكاية الصورة المثيرة للسخرية.. ماذا اكتشفنا فجأة!
مي كساب تتضامن مع تامر حسني بصورة قديمة لها قبل الشهرة
هكذا رد الفنانون والمشاهير على السخرية من صورة تامر حسني