إيناس مكي: لا أحتاج مساعدة شقيقي فنيا.. ورفضت بطولة هذا الفيلم بسبب المشاهد الساخنة

محمد أحمد | فى حياة المشاهير

إيناس مكي

الخميس , 26 يناير 2023 - 13:01

حلت الفنانة إيناس مكي ضيفة على برنامج "الستات" عبر قناة "النهار".

وتحدثت إيناس مكي عن العديد من الأمور أبرزها سر عدم عملها مع شقيقها الفنان أحمد مكي وتحدثت عن رفضها تجسيد مشاهد ساخنة في فيلم "مواطن ومخبر وحرامي" وأشياء أخرى سنرصدها في السطور التالية...

نرشح لك - 7 فنانين صنعوا التاريخ بترشيحات أوسكار 2023 .. ممثلة من مارفل وأغنية هندية

كشفت إيناس مكي، سبب عدم عملها مع شقيقها أحمد مكي، قائلة: «انا بحب اخويا مش بحبه عشان شغله، ممكن نكون في نفس المهنة وكل واحد عايش في العالم بتاعه فنيا، لكن احنا كأخوات احنا حضن بعض دفى بعض وضهر بعض».

أحمد مكي

وأوضحت أنها لا تحتاج للمساعدة من شقيقها أحمد مكي، فهي تعتمد على نفسها دائما، مشيرة ان فكرة طلب شئ من شقيقها أمر غير موجود في قاموس حياتها، بالرغم من تساؤلات كثيرة من الجمهور، عن طلب المساعدة من شقيقها.

أحمد مكي

وتابعت إيناس: "معندناش فكرة ان حد يطلب شئ من الثاني، لو هو عايز يتكلم ويساعد هيعمل كدة من غير ما اطلب، وتركيبة شخصيتي تخليني معرفش اطلب حاجة من حد، وانا لا استبعد العمل مع احمد في اي وقت، هو مخرج ولو شاف اي دور مناسب ليا هيكلمني".

وأشارت إيناس: "انا أكبر من أحمد بسبع سنين، ودخلت التمثيل قبله، وبكون سعيدة لما الناس تسأل مين فيكوا أكبر"، متابعة:"شهادتي مجروحة في احمد بس اكتر شخصية بحبها في الكبير هو حزلئوم، بحس انها افتكاسة فنية كوميدية صعب على أي نجم كوميدي يعملها".

كما تحدثت عن السبب وراء عدم مشاركتها في فيلم "مواطن ومخبر وحرامي" مع المخرج داوود عبد السيد، قائلة: "المخرج كان شايفني بطلة ورشحني للفيلم، ولكني رفضت المشاهد الساخنة بالعمل".

إيناس مكي

وواصلت: "كنت واخدة موقف إنه لا للمشاهد الساخنة لإني مقدرش اعملها، وأنا مضيعتش فرصة الفيلم ولكن داوود عبد السيد رفض إن المشاهد تتظبط أو نتناقش في تصويرها".

إيناس مكي

وتابعت: "أنا مجتهدة في شغلي، واشتغلت بروفات على الفيلم شهرين من عمري، ومتكلمتش بطريقة سخيفة مع المخرج، ولكن طلبت اتكلم مع داوود السيد أن يتم التخفيف من المشاهد الساخنة فكان رده الرفض الكامل للتعديل أو التخفيف، قلت له أنا مقدرش اصور حد بوقه في بوق حد ولا حد فوق حد في مشهد ساخنة، معرفش أصور الحاجات الجريئة دي".