أكرم حسني يطرح أغنية جديدة "أنا بتجوز" من مسرحية "السادة الأعضاء"

فى موسيقى وحفلات

الأربعاء , 4 نوفمبر 2026 - 23:30 | اخر تحديث: الأربعاء , 4 نوفمبر 2026 - 23:31

طرح الفنان أكرم حسني أغنية جديدة مصورة بطريقة كرتونية له ولأبطال مسرحية "السادة الأعضاء" التي عرضت مؤخرا في موسم الرياض.

حملت الأغنية اسم "أنا بتجوز" من كلمات أكرم حسني وألحان كريم عاشور وتوزيع أحمد وحيد كينج.

وجاءت كلمات الأغنية:

خُد الزبَاله و انت نازل .. هات عيش معاك و انت جاي
لو شُفت واحدة اياك تغازل .. لو حابب تفضل يعني حي

انا باتجوز .. انا بتكَافِئ .. مع اني زمان كُنت موافق .. افضل عازب ..
ضيّعت سنين في العزوبية .. لحد ما فجأة و ظهرت هيا عشان اتحاسب ..

انا من دلوقتي هيتقال لي الساعة في ايدك كام
كان فين عقلي و انا عالقهوة و مابصّتش لقُدام

كل ده علشان عَشَرة طاولة .. و حَجَرْ شيشة و مَجْ فَرَاوْلة
كُنت ارجَع بدري و كان أولى .. اغسل رجليا و انام

و اخد الزبالة و انا نازل .. و اجيب عيش و انا جاي
لو شفت واحدة مش هغازل .. اصل انا عايز ابقي حي

لو قُولت يمين هتقول لي شمال .. شَجَعْت لامين تشْتم في يامال
لو متخاصمين هتشوفني تخين .. لو متصالحين هتجيب لي عيال

فيها ايه لما تقوللي اعمللي .. الأسبوع ست أيام .. لو بتحبني خلّي فرنسا عاصمتها أمستردام
و ان قولت حبيبتي اوعي تبيعي.. مع انه كلام يبدو طبيعي هتقوللي الجذر التربيعي لحياتنا هيطلع كام

و خُد الزبَاله و انت نازل .. هات عيش معاك و انت جاي
لو شُفت واحدة اياك تغازل .. لو حابب تفضل يعني حي