وفاء سالم: عايزة أطلق حملة "وأنا كمان" ... ست عندها 75 سنة قالتلي: بنزل أجيب خضار بيتحرشوا بيا

مروة لبيب | فى حياة المشاهير

وفاء سالم

السبت , 14 يناير 2023 - 16:31 | اخر تحديث: السبت , 14 يناير 2023 - 17:44

عادت الفنانة وفاء سالم للحديث من جديد عن تعرضها للتحرش وما تعانيه المرأة في مواقف مشابهة حتى ولو مرت سنوات كثيرة على تلك الوقائع.

وقالت وفاء سالم في فيديو جديد نشرته عبر صفحتها الرسمية على YouTube، "بكلمكم وأنا سعيدة جدا، فيه مكالمات جاتلي من أنحاء الوطن العربي مفيش دولة عربية إلا وجالي مكالمات منها، الموضوع اللي طرحته الحلقة اللي فاتت مثير للجدل، مفيش ست اتفرجت على الحلقة إلا وحست بوجود صدى بداخلها، لأن المرأة متعرضة للتحرش في كل مراحل عمرها: طفلة.. مراهقة.. شابة وهي عجوزة، أنا فيه ست عندها 75 سنة قالتلي بتكسف أنزل أجيب خضار بيتحرشوا بيا، ومعرفش إزاي بيجيلهم قلب يعملوا كده".

نرشح لك: أسامة الهادي يكشف لـ"في الفن": كواليس شخصية "طاهر" في "وبينا ميعاد" وهل يأخذه التمثيل من الغناء

وأشارت وفاء إلى أنها أرسلت الفيديو الذي تحدثت فيه عن تعرضها للتحرش لشقيقتها تيما في أمريكا، متابعة "زي ما أكون سمعت صوت تشجيعها من كاليفورنيا، أما أختي في حلب وبيبقى عندها الكهربا مقطوعة وبيشتغلوا على المولد لما النور بيقطع لقيتها بترن وفهمت ان فيه حاجة أساسية، كلمتها وقالتلي الفيديو ده من فضلك تشيليه، سألتها هل اللي انا قلته محصلش معاكي وانتي صغيرة قالتلي حصل بس مينفعش نفضح قرايبنا".

وأضافت وفاء سالم "بقول لأعزائي الساكنين في أبراج السلام النفسي اللي حاسين إني مش بقول كلام حقيقي وإن بقول فضايح عن أهلي، أنا قلت بعض الأقارب مش كلهم، وبعدين لم أذكر كلمة تحرش أنا قلت الأذى النفسي والوجع عمره ما بيروح، الماضي لا يموت بل يبعث من جديد، ستات كتير قالوا إني صوتهم، وعليت صوتي وقلت اللي في قلبي، لما بعمل فيديو ببعته لحبايبي واخواتي".

وعن الانتقادات الموجهة لها بعد نشرها لهذا الفيديو "فيه ناس بتقولي ايه اللي فكرك دلوقتي، عايزة أتكلم عن الملف الأسود ليه بناقش القضية دي هي قضية عالمية لكن طُرح الملف الأسود للتحرش في هوليوود لما أنجلينا جولي وسلمى حايك ونجمات كتير اتكلموا ولبسوا أسود في جولدن جلوب، علشان يعترضوا ويحتجوا على المتحرشين، وانهم كانوا بيتعرضوا للتحرش حبايبي، بيوجعني أي أذى نفسي لأي ست حتى لو مكان في العالم أن معرفهوش".

واختتمت "عايزة أطلق حملة و"أنا كمان" صرخة ضد التحرش لأنه مؤذي على مدار العمر".

يذكر أن وفاء سالم أعلنت اعتزالها التمثيل نهاية عام 2022، من خلال فيديو مصور كشفت فيه عن قرارها المفاجيء.

وحكت ضمن حديثها للجمهور في فيديو الاعتزال: "وانا صغيرة كان عندي مشكلة مع الكذب ولما بكدب بيكون فيه حجر على قلبي وأما حبيت التمثيل قولت هنقل المشاعر اللي بحسها سواء غضب أو حزن أو ألم لكن عايزة أرتقي بالذوق العام من خلال أعمال فنية هادفة وحظي كان كويس العمل مع عمالقة مثل الراحل أحمد زكي والكاتب بشير الديك والمخرج عاطف سالم".

اقرأ أيضا:

إلهام عبد البديع: مبعملش مشاهد ساخنة ورفضت بطولة فيلم بسبب مشهد في السرير

حضن في الكواليس.. كيف استقبل حسام شيرين بعد حفلها بالكويت؟

إنجي علي تنفي أخبار ارتباط منة شلبي وتامر حبيب: استفزاز

شيرين عبد الوهاب تكشف كواليس زيارتها لفضل شاكر: مكنتش أعرف أن ممنوع

لا يفوتك: "تحليل النغمات مع عمك البات" تقييم أغنية "يا عراف" لأحمد سعد وأحمد زعيم والفنان التونسي نوردو

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5