إلهام عبد البديع: مبعملش مشاهد ساخنة ورفضت بطولة فيلم بسبب مشهد في السرير

نهال ناصر | فى سينما وتلفزيون

إلهام عبد البديع

السبت , 14 يناير 2023 - 12:02 | اخر تحديث: السبت , 14 يناير 2023 - 12:02

كشفت الفنانة إلهام عبد البديع عن رأيها في تقديم أدوار الإغراء.

وقالت إلهام عبد البديع خلال لقائها في برنامج "نص الكلام" من تقديم راغدة شلهوب عبر قناة "النهار" إنها رفضت من قبل فيلم مهم بسبب مشهد في السرير قائلة: جالي بطولة مع مخرج كبير جدا، كان أول مشهد في السرير واعتذرت عن الفيلم اللي لو كنت عملته من 4 سنين كان زماني رقم 1، لكن مينفعش.

وعن فكرة الإغراء قالت إلهام عبد البديع: الإغراء حاجات كتير ممكن ببصة أو بحركة بحاجات بسيطة بس أنا مبعملش الأدوار الساخنة، وهي مبقتش بتتعمل زي زمان في التسعينيات والناس مش بتبقى متقبلاها وأنا بحاول أراعي الإطار اللي موجودة فيه وأخلي بالي من أدواري.

وتابعت لتحكي عن موقف جمعها بالفنان تامر حسني ونصيحة لا تنساها له: في مشهد واحد مرة عملته في فيلم أول مرة سينما وقتها تامر حسني قالي بصي أنا بحبك كده من غير مكياج وشعرك منكوش لما هتدخلي على الناس كده هيحبوكي مش لازم تعملي دور معين عشان الناس تشوفك وتامر مش قريبي ومكناش اشتغلنا سوا في "أهواك" وبعد سنين اقتنعت بكلامه، والناس بتشوفني بيقولولي بنحسك بنتنا أو أختنا.

إلهام عبد البديع أكدت أنها ترفض تقديم المشاهد الساخنة

وأوضحت إلهام عبد البديع أنها تخاف من تصنيفها كممثلة تليفزيون خاصة أنها مبتعده عن السينما منذ فترة طويلة وقالت: خايفة من تصنيفي ممثلة تليفزيون مش سينما أنا وحشتني السينما ممكن أكون تخنت شوية، والأدوار اللي بتجيلي مش مناسبة.

وخلال اللقاء تحدثت إلهام عبد البديع عن زوجها الملحن وليد سامي وكشفت أن أسرتها عارضت زواجهما كونها تكبره في العمر.

نرشح لك: إنجي علي تنفي أخبار ارتباط منة شلبي وتامر حبيب: استفزاز

وقالت: أنا أكبر من جوزي وليد بـ8 سنين، في البداية خفت من خطوة الارتباط بيه كانت مرعبة، في الأول مكنتش أعرف فرق السن، بعدين انصدمت وقولت يمكن عشان كده أحنا بنتخانق كتير، وبحاول أحط نفسي في مكانه وافتكر وأنا في عمره كنت بعمل إيه، أنا بحترمه وبديله مساحته.

إلهام عبد البديع وزوجها

وتابعت متحدثه عن موقف أسرتها: في الأول كان في علامات استفهام، أنا شكلي مش بيدل على سني محدش كان يعرف أو يتوقع أني أكبر، أهلي في البداية كانوا قلقانين ومعترضين وحتى الآن، هما خايفين من التجربة لأننا في الخطوبة متفقناش كانوا خايفين من خطوة الزواج ومتوقعين الطلاق بنسبة 90% وإحنا بنحارب عشان دا ميحصلش.

يذكر أن إلهام عبد البديع ووليد سامي احتفلا بزواجهما في 30 أكتوبر الماضي، وأقيم الحفل بأحد الفنادق الكبرى بالقاهرة، واقتصر حضوره على الأهل والأصدقاء المقربين للعروسين.

حفل زفاف إلهام عبد البديع

وأطلت العروس بفستان أبيض قصير، من خامة الجبير من الأعلى، وشيفون طويل شفاف من الأسفل.

وكانت إلهام عبد البديع احتفلت بخطبتها على الملحن وليد سامي في عيد الحب 2022، ثم في مايو الماضي أعلنت فسخ الخطوبة وكتبت عبر حسابها على Facebook "كل شيء قسمة ونصيب أنا بعلن الانفصال أنا والملحن وليد سامي.. الحمد لله على كل حاجة وربنا يكتبله الخير".

لكن بعد فترة عادت إلهام عبد البديع لوليد سامي وتكللت قصة حبهما بالزواج.

آخر أعمال إلهام عبد البديع مسلسل "عالم تاني"

يذكر أن آخر أعمال إلهام عبد البديع مسلسل "عالم تاني" وهو من بطولة رانيا يوسف، فريال يوسف، فراس سعيد، نضال الشافعي، سميرة صدقي، مروة عبد المنعم، ومن إخراج عبد العزيز حشاد.

اقرأ أيضا:

شيرين عبد الوهاب تكشف كواليس زيارتها لفضل شاكر: مكنتش أعرف أن ممنوع

سمية الخشاب تحرج متابعة على Twitter: اتفلقي

أول ظهور لـ إيمي سمير غانم بعد الإنجاب (فيديو)

نصيحة ياسمين عز لمنتقدي برنامجها: اتفرجوا على قمر الزمان والمكان الأستاذ عمرو أديب

لا يفوتك: تحليل النغمات مع عمك البت: تقييم لأغاني رامي صبري الجديدة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5