شريفة ماهر: شكري سرحان عملي عاهة مستديمة في عيني

نهال ناصر | فى سينما وتلفزيون

شريفة ماهر

السبت , 1 أكتوبر 2022 - 11:20 | اخر تحديث: السبت , 1 أكتوبر 2022 - 12:09

كشفت الفنانة شريفة ماهر أنها لا ترى جيدا بسبب إصابة تعرضت لها قبل 61 عاما خلال تصوير فيلم "أعز الحبايب".

وقالت شريفة ماهر خلال لقائها في برنامج "تقدر مع الغيطي" من تقديم محمد الغيطي إنها لا ترى جيدا بسبب هذه الإصابة وحكت: في فيلم أعز الحبايب شكري سرحان لما خبطني بالقلم طير عين.

مشهد من فيلم أعز الحبايب

وتابعت: قعد يعيط وقلت له أنت عبيط ولا إيه دا قضاء وقدر، الإصابة نصف عمى، والدكتور حازم عطية قفلي عيني علشان يبقوا زي بعض.

وفيلم "أعز الحبايب" إنتاج عام 1961 وبطولة شكري سرحان وأمينة رزق وزكي رستم ونور الدمرداش وسعاد حسني وشريفة ماهر وسهير الباروني، تأليف هنري بركات وإخراج يوسف معلوف.

نرشح لك: سالي عبد السلام تعلن خطبتها: هتعرفوا هو مين و بيشتغل ايه قريب

شريفة ماهر في فيلم أعز الحبايب

وتحدثت شريفة ماهر عن أزماتها مع أولادها موضحة أن ابنها جعلها توقع على تنازل عن شقة وهي لأنها لا ترى جيدا وقعت.

وكانت شريفة ماهر وجهت رسالة لأبنائها أبنا وناشدت كل ابن أنه يكون بار بأمه خاصة بعد الحوادث الغريبة التي تحدث ضد الوالدين من الأبناء، معلقة "شفت حاجات كتير لواحد ظلم ناس ربنا جاب له بلوة".

شريفة ماهر تعاني من أزمات مع أبنائها

وأضافت: "بقول حسبي الله ونعم الوكيل، الفلوس بتجنن الناس، واحد منهم بيحب الفلوس قبل ربنا وأمه وأبوه وهو بيصلي، بتصلي تشوف أمك، بنتي مش بتكلمني بقالها سنة ونص وسنتين منها لله، عمرها ما كانت أحن، مع انها كانت عندي نور عيني ويمكن قبل نور عيني كمان هي جامدة، وبنتي الصغيرة هي اللي شالتني، الحمد لله ربنا ساترني أنا مش بتفرق معايا الفلوس".

شريفة ماهر

وشريفة ماهر ممثلة ومغنية مصرية مواليد عام 1932، اشتهرت بأدوار المرأة والزوجة القوية المتحكمة في زوجها، وشاركت في عدد كبير من الأعمال منها "أرحم دموعي" و"رابعة العدوية" و"أعز الحبايب" وآخر مشاركتها الفنية "أبناء الشيطان" عام 2000.

اقرأ أيضا:

#شرطة_الموضة: عائشة بن أحمد بفستان ملون في حفل استقبال شاهد وفودافون.. سعره 30 ألف جنيه

رامي جمال عن اعتزال زوجته الغناء: كان بيننا اتفاق صريح.. اختارت تكون في بيتي

محمود المهدي: منة عرفة دمرت حياتي وصعب أرجع لها تاني

ياسمين عز: "بوز الست والقمطة" السبب في الخيانة.. فين أيام ما الست كانت بتدي لجوزها الحتة الكبيرة في الفرخة

لا يفوتك: اعرف رأي #شرطة_الموضة في فساتين وإطلالات النجمات في حفل توزيع جوائز مهرجان القاهرة للدراما الأول

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5