رامي جمال عن اعتزال زوجته الغناء: كان بيننا اتفاق صريح.. اختارت تكون في بيتي

مي جودة | فى حياة المشاهير

رامي جمال وزوجته ناريمان

1 أكتوبر 2022 | اخر تحديث: السبت , 1 أكتوبر 2022 - 01:10

كشف الفنان رامي جمال عن سبب اعتزال زوجته المطربة ناريمان بعد زواجهما.

قال رامي جمال: "كان فيه اتفاق صريح بيننا من الأول، أنا قُلتلها من حقك تغني ده قرارك، بس أنا صعب جدًا بالنسبة ليا إن إحنا الاتنين نبقى مشهورين، مين هيخلي باله على اللي في البيت؟، قلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اختارتي إنك تبقي في بيتي عرفيني، وهي اختارت وقالتلي أنا موافقة أبقى في البيت"، حسب تصريحاته في برنامج "سهرانين" الذي يقدمه النجم أمير كرارة عبر شاشة ON.

رامي جمال

وأضاف: أنا دلوقتي شايف إني ممكن أعمل لها أغنية من وقت للتاني، من باب الهواية متتكتمش، لأن صعب جدا إن ربنا يكون مدينا هدية ومش عند ناس كتير وأنا أقول مش هتستخدمها، ودايمًا باخد رأيها في الألحان.

رامي جمال

رامي جمال وزوجته ناريمان

وكان جمهور رامي جمال وناريمان فوجئا منذ أيام بنشرها خبر طلاقهما، ولكن الأمر لم يدم لساعات، ومن بعده خرج الفنان الشهير في فيديو عبر حسابها قال فيه: "علاقتنا ربنا مبارك فيها والناس كلها زعلانة إننا زعلنا من بعض، بقول لناريمان وبقول لكم إنها حبيبتي وعادي نزعل وننفعل ودعواتكم؛ لأني لقيت إن أبغض الحلال عند الله الطلاق وأنا مبحبش أعمل حاجة بغيضة".

وكانت ناريمان قد أعلنت اعتزالها الغناء عقب زواجها من رامي جمال، من أجل التفرغ للحياة الأسرية في عام 2014 الذي شهد دخولهما قفص الزوجية بعد قصة حب استمرت عدة سنوات.