كريم قاسم يدافع عن ريهام حجاج : تتعرض لظلم ممنهج

محمد سليم | فى سينما وتلفزيون

كريم قاسم

الأحد , 17 أبريل 2022 - 21:01 | اخر تحديث: الأحد , 17 أبريل 2022 - 21:01

دافع الفنان كريم قاسم عن الفنانة ريهام حجاج، بعد اتهام البعض لها بالتسبب في اتخاذ الفنان توفيق عبد الحميد قرارا باعتزال التمثيل، وهو الأمر الذي نفاه لاحقا.

View this post on Instagram

A post shared by Riham Hagag (@rihamhagag)

وقال كريم قاسم في مقابلة أعادت ريهام حجاج نشرها عبر حسابها في إنستجرام، تحدث فيها عن تفاصيل تعاونه للمرة الثانية مع النجمة ريهام حجاج من خلال مسلسل "يوتيرن" : "المسلسل واجه افتراء من بعض الناس، حد يطلع يعمل مونتير ويقولك أنا اشتغلت وهو أصلا مالهوش علاقة بالمسلسل، وواحدة تتكلم على التتر وتقولك أصلها ظلمتني، يا جماعة أنتو بتلغوا مؤسسة كاملة، في شركة إنتاج وفي مخرج وفي ناس تانية بتاخد قرارات، أنا عمال أغني الظلم ظلمات بتاعت التتر بسبب المواقف دي، وابتديت أحس إن في حاجة ممنهجة، بالذات ضد ريهام".

نرشح لك - نصائح "مربوحة" لـ"جوني" لتحقيق الشهرة على السوشيال ميديا (فيديو)

‎‎

وأضاف : "أنا متفهم إن فيه ناس ممكن ما تحبش ممثل، لكن لما جيت أركز شوية، ولما تابعت الكومنتات، لقيت حوالى 70 ٪ منها صفحات عمرها ما نشرت بوستات، وبالمناسبة أنا تاني سنة أشتغل مع ريهام حجاج ما شوفتش منها حاجة واحدة وحشة، بل بالعكس وقفت جنبي كتير، أوقات كتير ماكنتش قادر أشتغل سواء السنة دي، أو السنة قبل اللي فاتت أو متضايق من حاجة أو كدة، كانت هي تتدخل وتحل رغم إن ده مش شغلانتها، ففعلا أنا ما شوفتش منها حاجة واحدة وحشة".

‎‎

وتابع : " أما فيما يتعلق بالأستاذ توفيق، إحنا كلنا اتفاجئنا إنه نزل البوست دا في التوقيت دا، بس أنا برضه مع شغلي معاه مقدر جدا، لأن الظروف اللى بنشتغل فيها اتغيرت، إحنا بنصور يوميا 14 و18 ساعة وأحيانا بنوصل لـ 23 ساعة يوميا، وطبعا أنا مقدر ظروفه الصحية".

طالع أيضا - خاص محمد عادل لـ"في الفن": ما جذبني لشخصية "علاء" هو الجانب الإنساني و"العائدون" أعادنا لزمن "رأفت الهجان"

‎‎

ومسلسل "يوتيرن" بطولة ريهام حجاج، توفيق عبد الحميد، عبير صبري، كريم قاسم، محمود حجازي، أيمن القيسوني، صفاء الطوخي، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.

يعرض مسلسل "يوتيرن" على عدد من القنوات، حيث يبدأ العرض من قناة cbc بالتزامن مع وقت الإفطار الساعة 6:15، كما يعرض في نفس التوقيت على القناة الأولى بالتليفزيون المصرى.

في حين تقوم قناة المحور بعرضه الساعة 8 مساء، على أن يعرض بعدها على شاشة قناة ON في تمام الساعة 10:30، ثم يتم عرضه بعدها على قناة الحياة الساعة 11:30 مساء.

اقرأ أيضا:

رامز جلال يسخر من ملابس درة في "رامز موفي ستار" : "دا باتمان ولا بدلة غطس"
خاص أشاهد في رمضان – إبراهيم فايق يتابع 3 مسلسلات من بينها "الاختيار 3" و"مكتوب عليا"

كويز "في الفن"- لو حريف "سوتس بالعربي" إلعب معانا وشارك في تحدي "زين ثابت"

خاص صبري الشوادفي مصمم تمثال "قاهر الفلاح" في "الكبير أوي 6": استغرق تصميمه 10 أيام وهذه قصة النبوت

لا يفوتك: 13 فنانا كتب الله لهم حسن الخاتمة - رحلوا في رمضان أحدهم مات أثناء الإفطار وأخرى تمنت الموت في رمضان

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5