محمود حجازي يدافع عن ريهام حجاج: بقينا بنستسهل الظلم

محمد سلطان محمود | فى سينما وتلفزيون

محمود حجازي

الثلاثاء , 12 أبريل 2022 - 01:27 | اخر تحديث: الثلاثاء , 12 أبريل 2022 - 01:28

دافع الفنان محمود حجازي عن الفنانة ريهام حجاج بعد اتهام البعض لها بالتسبب في اعتزال الفنان توفيق عبد الحميد، وهو الأمر الذي نفاه الأخير.

وكتب محمود حجازي الذي يشارك في بطولة مسلسل "يو تيرن"، عبر Facebook، مبديا إنزعاجه من استسهال البعض توجيه الاتهامات لريهام حجاج.

وأوضح: "أنا في حاجه ماكنتش عايز أتكلم فيها، بس بجد مش قادر أشوف حد علاقتي بيه طيبة وبشتغل معاه وبشوفه بيتعب قد أيه وبيتعامل مع كل الناس بشكل محترم جدا، وألاقيه دايما بيتظلم من الناس من غير ما تعرف تفاصيل دياما هو اللي بيشيل المشاكل كلها سواء كان جزء منها أو ميعرفش حاجه منها".

نرشح لك- تسريب خيرت الشاطر في الحلقة 10 من "الاختيار 3" .. ماذا قال عن حازم أبو إسماعيل؟

وأضاف محمود حجازي: " ليه بقينا بنستسهل الظلم؟ أنا السنه دي بشتغل ٣ مسلسلات جوا رمضان وكانت سنه صعبه جدا وممتعه جدا، وأنا محظوظ أنني اشتغلت مع الأستاذ توفيق عبد الحميد، اللي لسه شايف قرار أنه بعد الانتهاء من تصوير مسلسل يوتيرن سوف يعتزل الفن".

وتابع متحدثا عن قرار الاعتزال: "قد أيه الخبر ده زعلني جدا، وبتمني لأنه يتراجع فيه ويفضل يمتعنا بفنه الحقيقي المبهر وإن شاء الله هيحصل كده، وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده، بس لمجرد انهم عايزين يهدموا أي نجاح بشكل مليان ظلم وعدم فهم واستنتاجات ليس لها علاقه بالحقيقة".

وأكد حجازي: "المشكلة أن دي طريقه بتتكرر وكل مرة بقول أكيد الناس هاتفهم لوحدها، بس ألاقي الموضوع مكمل بطرق غريبة، والغريب أكتر أن في ناس بتستغل الموضوع ده".

وأشار محمود حجازي إلى غرضه من كتابة التوضيح قائلا: " أنا مش بكتب الكلام ده و مستني أي حاجة غير أنني حسيت لو أنا اللي وقع عليه الظلم ده وعايز الناس تفهم بس، ده تاني عمل ليا مع الأخت العزيزة ريهام حجاج، ووالله والله أنا كلامي هتحاسب عليه قدام ربنا يعني، ولا حد في الدنيا دي كلها هيأثر عليه غير الحق، وأسف أنني طولت عليكم وكل سنه وحضراتكم طيبين".

يذكر أن توفيق عبد الحميد أكد أن قرار اعتزاله يأتي لأسباب صحية وأنه يعتز بعلاقته مع ريهام حجاج، وقال: "قرارى سببه حالتى الصحية ولا علاقة لأى شخص به، وأرجو احترام رغبتى فى عدم الكلام".

وعاد ليؤكد: "علاقتى بريهام حجاج طيبة جدا، وهى فعلا بمثابة ابنتى".

وأضاف توفيق عبد الحميد: "الموضوع له علاقة بحالتى الصحية لأنها تستحق منى الاهتمام".

ومسلسل "يوتيرن" من بطولة ريهام حجاج، توفيق عبد الحميد، كريم قاسم، محمود حجازي، صفاء الطوخي، عبير صبري، أيمن القيسوني، محمود حافظ وغيرهم نخبة من النجوم. المسلسل من تأليف أيمن سلامة وإنتاج جمال العدل ومن إخراج سامح عبد العزيز.

اقرأ أيضا:

بكاء عبد الفتاح الجريني على الهواء في برنامج "كلام الناس" (فيديو)

أنغام لبرنامج "التاسعة" مع يوسف الحسيني: أنا محظوظة بغناء تتر "فاتن أمل حربي".. وكرهت شريف سلامة من كل قلبي

بعد مرور 10 أيام من رمضان .. أسنان دراكولا والسنجاب الأعور وأسطورة البلالين .. أبرز 10 تعليقات ساخرة لرامز جلال في "رامز موفي ستار"

أحمد صلاح حسني: جلسة مع صالح سليم غيرت حياتي والتزمت بعهدي بعد وفاته رغم الضرر

لا يفوتك- 14 نجما غابوا عن دراما رمضان 2022 بعضهم اهتم بالسينما وآخرون غيبهم الموت

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5