توضيح من كاملة أبو ذكري عن غرور أبطال "بـ 100 وش": قصدي شخصين فقط

إيمان مندور | فى حياة المشاهير

كاملة أبو ذكري

الثلاثاء , 3 نوفمبر 2020 - 11:49 | اخر تحديث: الثلاثاء , 3 نوفمبر 2020 - 11:49

علقت المخرجة كاملة أبو ذكري على الجدل المثار مؤخرا بسبب تصريحاتها حول غرور بعض الأبطال المبتدئين في مسلسل "بـ 100 وش".

أوضحت كاملة خلال مداخلة هاتفية مع الإعلامي سيد علي على قناة "الحدث اليوم"، أنها قالت إن لديهم موهبة، لكن الغرور ينهي أي موهبة مهما كان حجمها، مضيفة: "الواحد لما يثق أوي في نفسه بيأخذ خطوات خاطئة، ولم أقصد المجموعة كلها، وكنت أحذرهم من حبي لهم، والأستاذ يوسف شاهين قال لنا وأنا كنت طالبة في المعهد (يوم ما تشوف شغلك وتقول الله إيه الحلاوة ديه أعرف إنك في طريقك للفشل)".

تابعت أنها تقصد شخصين من المجموعة التي في المسلسل، لكنها لن تصرح بهم، قائلة: "مش هقدر أقول عليهم، ولكن كان فيه حاجة صعبة وعايزاهم يستمروا ويكبروا وحتى لو الواحد بقى أهم نجم في مصر مش المفروض يكون فيه غرور، فيه اثنين ممثلين الغرور وصل لهم بشكل كبير والصراحة قلقت عليهم، لأنه شايفة إن فالناس مش هتشتغل معهم وهيضيعوا موهبتهم، والواحد طوال الوقت بينتقد نفسه ويدور ولا يستريح، واللي حاطط في بطنه بطيخة صيفي وفاكر إنه حاجة كبيرة كلنا في النهاية نجتهد ونقدم فن وربنا منحنا قبول وحب الناس ولا يمكن أن نتعالى على الأخرين".

أضافت المخرجة أنها لم تصادف أي نجم كبير يتعامل بغرور مع من حوله، مضيفة: "لما أشعر إن اللي قدامي متعالي عليّ أو على الطاقم اللي بيشتغل معي بوقفه عند حده، وتعاملت مع نجوم كبار جدا وبالعكس كانوا يتعاملون معي كأصدقاء".

واختتمت: "أنا أحب أوضح إن بعد البوست اللي كتبته قفلت صفحة الفيس بوك وشيلته لأنيمكنتش عارفه إنه هيعمل الدوشة الكبيرة دي، وكانت زميلة لي حكيت لي عن شخص كيف يتعامل مع الناس حاليا في التصوير واتخضيت وما يضايقني إن الباقي أخذ الكلام عليه ولكن الحقيقة ما قصدته هما شخصين، وهما موهوبين ومش عايزاهم يمشوا في الطريق ده.. وأنا معرفش اشتغل مع حد مغرور".

كانت المخرجة كاملة أبو ذكري قد فاجأت متابعيها عبر موقع facebook بتوجيه انتقادات حادة لبعض أبطال مسلسلها "بـ100 وش" مشيرة إليهم بالوجوه الجديدة.

وقالت أبو ذكري في منشورها: "عرفت وسمعت واتأكدت إن بعض الممثلين المبتدئين من مسلسل بـ100 وش بعد النجاح الفظيع المريع لمسلسل بـ100 وش شافوا نفسهم والغرور سيطر على تصرفاتهم عايزه أقول لكم خسارة الغرور مقبرة الفنان زي ما قال لنا يوسف شاهينً ده أنتم لسه الناس ما تعرفش أساميكم الحقيقية وبتشاور عليكم باسم الشخصية إلى قدمتوها الغرور ممكن يقتلكم وغرور ليه أنتم مين أصلا كلنا مين أصلا دكتور مجدي يعقوب متواضع ولما تتكلم معاه بيحط راسه في الأرض مجدي يعقوب بجلالة قدره وربنا يهدي".