مصطفي درويش يرد على اتهام ابطال "100 وش" بالغرور: اللي عملنا هما الناس

مي فهمي | فى حياة المشاهير

مصطفى درويش

الاثنين , 2 نوفمبر 2020 - 12:11 | اخر تحديث: الاثنين , 2 نوفمبر 2020 - 16:11

رد الفنان مصطفى درويش على المنشور الذي اتهمت فيه المخرجة كاملة أبو ذكري، أبطال مسلسلها "بـ100 وش" بالغرور.

وعلق درويش عبر حسابه الرسمي بموقع Facebook على منشور كاملة أبو ذكري مرتين، فكتب في المرة الأولى:"أنا ليّا عتاب على حضرتك، أنتِ عارفة قيمتك عندنا كلنا، لو حد مننا غلط وحضرتك وجهتيه هيسمع الكلام وهيرجع عن اللي بيعمله".

أضاف: "حضرتك طلعتي مننا أحلى ما فينا تمثيل وإنسانيا كمان، فكان ممكن يكون الكلام بينا وبين بعض أحسن ما يكون الكل متهم بالشكل ده، والكومنتات تنزل تقول فلان وفلانة وبقينا كلنا موضع اتهام، آسف لو بقول كده بس حضرتك معودانا على قول الصراحة ما تخافش ولا تهاب من حد".

وفي المرة الثانية علق درويش كاتباً:"غرور ليه احنا مين اصلا احنا فعلا لسه الناس بتندهنا باسم الشخصيه نفوق كده ونركز اللي عملنا هما الناس فا بلاش نخسرهم، والله والله انا ما عارف الاستاذه كامله بتتكلم عن مين بالظبط بس لو كنت انا منهم ومعتقدش ده خالص فا انا اسف جدا".

وكانت كتبت كاملة أبو ذكري عبر حسابها بــ Facebook :"عرفت وسمعت واتأكدت إن بعض الممثلين المبتدئين من مسلسل (بـ100 وش) بعد النجاح الفظيع المريع للمسلسل، شافوا نفسهم والغرور سيطر على تصرفاتهم".

وأضافت "عايزة أقولكم خسارة الغرور مقبرة الفنان، زي ما قلنا أنتم لسه الناس ما تعرفش أساميكم الحقيقية وبتشاور عليكم باسم الشخصية اللي قدمتوها".

واختتمت: "الغرور ممكن يقتلكم، وغرور ليه أنتم مين أصلا، كلنا مين أصلا دكتور مجدي يعقوب متواضع، ولما تتكلم معاه بيحط راسه في الأرض، مجدي يعقوب بجلالة قدره، وربنا يهدي".

يذكر أن مسلسل "بـ100 وش" تم عرضه في شهر رمضان الماضي وهو من تأليف أحمد وائل وعمرو الدالي، إنتاج العدل جروب، إخراج كاملة أبو ذكري، وشارك في بطولته نيللي كريم، آسر ياسين، علا رشدي، إسلام إبراهيم، محمد عبد العظيم، شريف دسوقي، دنيا ماهر، سلوى محمد علي، حنان يوسف، زينب غريب وحسن أبو الروس.

اقرأ أيضاً

بعد اتهام أبطال "بـ100 وش" بالغرور... دنيا ماهر تسأل كاملة أبو ذكري: مين؟

كاملة أبو ذكري تنتقد أبطال مسلسلها "بـ100 وش": الغرور مقبرة الفنان ومحدش يعرف أساميكم