بعد هجوم كاملة أبو ذكري... مراد مكرم يوجه نصيحة لأبطال "100 وش": مش بتدوم لحد

مي فهمي | فى حياة المشاهير

مراد مكرم

الاثنين , 2 نوفمبر 2020 - 12:14

حرص الفنان مراد مكرم على توجيه نصيحة لأبطال مسلسل "100 وش" بعد هجوم مخرجة العمل وإتهام بعضهم بالغرور دون أن تذكر أسماء بعينها.

وكتب مراد مكرم عبر حسابه الرسمي بموقع وتطبيق Facebook:"بخصوص البوست بتاع غرور بعض الممثلين الشباب إلي طلعوا مع الأستاذة كاملة أبو ذكري... عندي نصيحة واحدة، احسنوا معاملة الناس وأنتوا طالعين سلم النجومية لأنكم هتقابلوهم تاني وانتوا نازلين ولوكانت بتدوم لحد ماكنتش وصلتلكوا ربنا يصلح الحال".

وكانت كاملة أبو ذكري قد كتبت في منشورها على facebook: "عرفت وسمعت واتأكدت إن بعض الممثلين المبتدئين من مسلسل بـ100 وش بعد النجاح الفظيع المريع لمسلسل بـ100 وش شافوا نفسهم والغرور سيطر على تصرفاتهم عايزه أقول لكم خسارة الغرور مقبرة الفنان زي ما قال لنا يوسف شاهينً ده أنتم لسه الناس ما تعرفش أساميكم الحقيقية وبتشاور عليكم باسم الشخصية إلى قدمتوها الغرور ممكن يقتلكم وغرور ليه أنتم مين أصلا كلنا مين أصلا دكتور مجدي يعقوب متواضع ولما تتكلم معاه بيحط راسه في الأرض مجدي يعقوب بجلالة قدره وربنا يهدي".

يذكر أن مسلسل "بـ100 وش" تم عرضه في شهر رمضان الماضي وهو من تأليف أحمد وائل وعمرو الدالي، إنتاج العدل جروب، إخراج كاملة أبو ذكري، وشارك في بطولته نيللي كريم، آسر ياسين، علا رشدي، إسلام إبراهيم، محمد عبد العظيم، شريف دسوقي، دنيا ماهر، سلوى محمد علي، حنان يوسف، زينب غريب وحسن أبو الروس.

اقرأ أيضاً

بعد اتهام أبطال "بـ100 وش" بالغرور... دنيا ماهر تسأل كاملة أبو ذكري: مين؟

كاملة أبو ذكري تنتقد أبطال مسلسلها "بـ100 وش": الغرور مقبرة الفنان ومحدش يعرف أساميكم