مراد مكرم ينصح الرجال: متطلقوش عيالكم

إيمان مندور | فى حياة المشاهير

مراد مكرم

الأربعاء , 2 سبتمبر 2020 - 13:09 | اخر تحديث: الأربعاء , 2 سبتمبر 2020 - 13:35

يواصل الفنان مراد مكرم تقديم نصائحه في التربية للآباء والأمهات، لمواجهة صعوبات الحياة حاليا.

كتب مراد عبر حسابه على Facebook: "أنا عارف إن كتير من بوستاتي عن الولاد وتربيتهم، لأني مهموم بعيالي وبالي بيشوفوه في مصر الأيام دي.. بس البوست ده غير..
عزيزي الرجل أرجوك لو طلقت مراتك لأي سبب، ما تطلقش عيالك معاها، هم مالهمش ذنب في خلافتكم بص حتي لو كانت خانتك، شوف لدرجة ايه، برضه عيالك مالهمش ذنب، ما تقهرهمش، ما تحسسهمش باليتم وأنت عايش، كفايه عليهم ضغوط الحياة وأنت مش معاهم".

تابع: "ما تنتقمش من الام بالولاد، راعي ربك فيهم، وحتى لو مظلوم هييجي اليوم اللي يعرفوا كل حاجة، ويا سيدي حتى لو ما جاش اليوم ده اهي مكتوبالك عند ربنا اللي ما بيضعش عنده أي حق، أما بقي لو ظالم فخلي بالك ربك منتقم جبار زي ما هو غفور رحيم".

جدير بالذكر أن مراد مكرم عرض له مؤخرا مسلسل "شبر مية" من بطولة أحمد السعدني، نجلاء بدر، محمد علي رزق، ‏محمد ‏جمعة، رجاء الجداوي، نهى عابدين، ندى موسى، حنان سليمان، أمجد الحجار، إسماعيل شرف، تأيف ‏شريف ‏بدر الدين، ‏إخراج طارق رفعت، وإنتاج شركة سينرجي.‏

اقرأ أيضا

بعد مرور 11 عاما.. خطأ لم يلاحظه أحد في فيلم "أمير البحار"

ابنتا عامر منيب تحييان ذكرى ميلاده الـ57:نفتقدك يا ملاكنا