مراد مكرم للأهالي: ربوا عيالكم وارحمونا من القرف

إيمان مندور | فى حياة المشاهير

مراد مكرم

الجمعة , 28 أغسطس 2020 - 19:25

وجه الفنان مراد مكرم رسالة للأهالي، بضرورة الاهتمام بتربية أولادهم على القيم والمبادئ السليمة حتى لا يضروا غيرهم.

كتب مراد عبر حسابه على Facebook: أنت ياللي ما بتربيش عيالك، وأنت ياللي بتربيهم غلط، وأنت ياللي مغرق عيالك فلوس وسايبهم يعملوا اللي هم عايزينه، من شرب وسهر ومسخرة، أنت مش بس بتبوظ عيالك، أنت حر يا سيدي إنشالله تولع بيهم، بس أنت بتصعب أوي أوي مهمة الأهالي اللي عايزة تربي عيالهم صح، بالأصول والأخلاق والمعروف والمحبة والتدين المعتدل، لأنك بكل بساطة بتخلق نموذج بيقارن الشباب نفسهم بيه، وبقت الجملة اللي لبانة في بق شبابنا (ما كله بيعمل كده)".

تابع: "يعني إيه بنتك تقولك أنا بايته بره النهاردة، ووالنبي ما تقوليش أنا واثق في بنتي، ما كلنا واثقين في بناتنا، بس حضرتك واثق في الآخرين كمان؟ وتربيتهم لولادهم وبناتهم؟ والنبي يا جماعة اتعبوا شوية في تربية عيالكم، ربنا هيحاسبكم علي الوديعة اللي ادهالكم، وارحمونا من القرف اللي بنشوفه والمناقشات التي لا تنتهي مع عيالنا إن ده غلط.. لحد ما عيالنا بقوا شايفينا رجعيين ومقفلين وخانقينهم.. الله يخرب بيوتكم".

جدير بالذكر أن مراد مكرم عرض له مؤخرا مسلسل "شبر مية" من بطولة أحمد السعدني، نجلاء بدر، محمد علي رزق، ‏محمد ‏جمعة، رجاء الجداوي، نهى عابدين، ندى موسى، حنان سليمان، أمجد الحجار، إسماعيل شرف، تأيف ‏شريف ‏بدر الدين، ‏إخراج طارق رفعت، وإنتاج شركة سينرجي.‏

اقرأ أيضا:
نور ابنة عمرو دياب ترد على رسالة اشتياق دينا الشربيني لها

فيديو- رأي أحمد رزق في تجسيد محمد رمضان لشخصية أحمد زكي