زوجة يوسف الشريف تعلق على تصريحاته

مي جودة | فى حياة المشاهير

يوسف الشريف وإنجي علاء

الأحد , 28 يونيو 2020 - 19:22

علقت الكاتبة إنجي علاء زوجة الممثل بوسف الشريف، على تصريحاته التي أثارت الجدل حول رفضه تقديم المشاهد الجريئة.

كتبت إنجي عبر صفحتها الرسمية بموقع Facebook: "في اخبار كتير مغلوطة عن يوسف متداولة من حواره مع الإعلامي رامي رضوان اللي اتذاع في برنامجه مساء dmc بس متحرفة بزيادة شوية😂 يوسف اتكلم عن المشاهد الساخنة واعرف فنانين كتير تانيين مش بيحبوا يعملوها.. ايه اللي جاب ملامسة النساء للموضوع🙄 أوفر أوي بصراحة!! هو مجبش سيرة ملامسة النساء والحوار موجود على صفحة القناة! ياريت يكون في تحري للدقة عند تغطية الحوارات واحترام لرأي وأفعال الناس مادام مش بتضر حد وشكرا لكل أصحاب الأقلام المهنية اللي لما غطت الحوار نقلت اللي فعلا دار فيه #يوسف_الشريف".

‎

كان يوسف الشريف صرح في البرنامج قائلا: "في قيود أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر، ده من بعد فيلم هي فوضى، بدأت أفكر بالطريقة دي.. دي حرية شخصية طالما مبضرش حد.. أنا مبستريحش لو بقي فيه مشاهد ساخنة أو فيها قبلات.. دي قاعدة بطبقها على نفسي بس.. بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم".

تابع: "وهنا أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص".

اقرأ أيضا:

بعد إعلان والدها الانفصال ... هكذا تعامل حسن شاكوش مع صور خطيبته

محمد أنور مؤيدا ليوسف الشريف: عملت حاجات وندمت ونفسي ربنا يسامحني

‎