محمد أنور مؤيدا ليوسف الشريف: عملت حاجات وندمت ونفسي ربنا يسامحني

محمد أنور مؤيدا ليوسف الشريف: عملت حاجات وندمت ونفسي ربنا يسامحني

نهال ناصر | في الأخبار،حياة المشاهير تاريخ النشر: الأحد ، 28 يونيو 2020 - 11:6 | آخر تحديث: الأحد ، 28 يونيو 2020 - 11:9
محمد أنور محمد أنور
علق الفنان محمد أنور على الانتقادات التي وجهت للفنان يوسف الشريف بعد تصريحاته في لقائه مع الإعلامي رامي رضوان في برنامج "مساء dmc" وقوله إنه يرفض المشاهد الساخنة ويضع قيودا على أعماله.

ناهد السباعي مدافعة عن يوسف الشريف: الناس بتطالب بالحرية الجنسية وتنتقده

نشر أنور صورة ليوسف الشريف عبر حسابه على Instagram وكتب: "إيه كل الهري والكلام الفاضي وقله الأدب اللي حصلت عشان الراجل ده قال أنه عنده مبدأ معين هو أنه ضد المشاهد الساخنة أو الأحضان والبوس والكلام ده لأنه ببساطه بيخاف ربنا ومش عاوز يغضبه وهو شغال بالمبدأ بقاله أكتر من عشر سنين وناجح بيه وربنا كارمه من وسع كمان وأنه هو مش ضد اللي بيعمل عكس كده ولا شايف نفسه أكتر احتراما من حد".

تابع: "فجأة كل الناس شايفاه رجعي ومتخلف ومش فنان وناس قالو ده إخوان وناس قالت طب روح حجب مراتك الأول وبعدين اتكلم وناس طلعتله مشاهد من أعمال قديمة هو بيحضن فيها وقالو أيام ماكان بيحب التلامس وكميه قله أدب في موضوع الراجل طرحه بكل احترام وقال إنه فيه ممثليين كتير زيه أصلا مش بيحبو يعملو ده او ندمو أصلا علي أعمال هما قدموها في البداية وبعدين شافو أنه ماينفعش أنه يعمل كده تاني".

كريم فهمي مدافعا عن يوسف الشريف: حر في رأيه


واختتم كلامه مؤكدا تأييده لكل ما قاله يوسف الشريف: "علي فكرة بقي هو صح والله العظيم وأنا نفسي اللي لسه ببدأ عملت حاجات وندمت أني عملتها ونفسي ربنا يسامحني عليها، افتكر أنك لما بتموت وأنت سايب صدقة جارية بتنفعك في قبرك وتزود حسناتك ..ممكن كمان تعمل عمل يعتبر ذنب جاري وبعد ماتموت يفضل يزود سيئاتك".

‎صورة‎


كان يوسف الشريف صرح في البرنامج قائلا: "في قيود أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر، ده من بعد فيلم هي فوضى، بدأت أفكر بالطريقة دي.. دي حرية شخصية طالما مبضرش حد.. أنا مبستريحش لو بقي فيه مشاهد ساخنة أو فيها قبلات.. دي قاعدة بطبقها على نفسي بس.. بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم".

تابع: "وهنا أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص".

اقرأ أيضا:

بعد أقل من شهر.. انفصال حسن شاكوش عن خطيبته

مؤيدون ليوسف الشريف في رفضه المشاهد الساخنة

نهال ناصر

6/28/2020 11:09:10 AM

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"