لأول مرة- منى فاروق تروي كواليس السجن: كنت بصلي الفجر حاضر

لأول مرة- منى فاروق تروي كواليس السجن: كنت بصلي الفجر حاضر

إيمان مندور | في الأخبار،حياة المشاهير تاريخ النشر: الثلاثاء ، 18 فبراير 2020 - 13:24 | آخر تحديث: الثلاثاء ، 18 فبراير 2020 - 13:26
منى فاروق منى فاروق
أثارت الفنانة منى فاروق الجدل خلال الساعات الماضية، عقب ظهورها في بث مباشر عبر حسابها على Instagram، تحدثت خلاله عن كواليس حبسها لأول مرة.

في البداية اعتذرت منى باكية للجمهور، قائلة: "بعتذر إنكم شوفتوا حاجة غريبة على مجتمعنا، مش طبيعي إن ده يحصل، بس أنا قولت من فترة إني هحاول اعيش وانسى، بس أنا مش عارفة اعيش ولا اشتغل ولا اتعامل مع بني آدمين.. لو جالك ابتلاء زي اللي جالي تقعد 130 يوم مقفول عليك 7 أبواب أنا أول مرة أقولها".

اقرأ أيضا: بدرية طلبة للجمهور: سامحوا منى فاروق... كفاية إهانة

تابعت: "كنت قاعدة طول الوقت بتمنى إمتى هخرج، وأقول يارب نفسي أشوف الشارع يارب نفسي أروح بيتي يارب نفسي أنام على سريري .. نفس ادخل الحمام وقت ما احب واخرج وقت ما أحب.. وآكل من إيد أمي، من شهر 2 اللي فات لشهر 6 أنا برا الدنيا عايشة ميتة، كل ما يبقا فيه فرصة إني أخرج من الأزمة أقول يارب والنبي كفاية.. يوم ما قالولي أنتي أخدتي إخلاء سبيل وقعت من طولي، مش مصدقة".

أضافت: "والله أنا عايزه اعيش في سلام مش عايزة حاجة أنا اضعف بكتير من اللي حصلي بس محدش مديني فرصة اعيش.. وحياة ربنا أنا اتعلمت من غلطتي.. بس أنا والله ضاقت عليا أوي إن محدش راضي يشغّلني.. أمي لما كانت بتجيلي زيارة وبتمشي كنت بقعد امسك إيديها وأقولها ما تسيبينيش.. مكنتش ببقا مصدقة إن أمي بتيجي وتمشي وتسيبني في مكان أنا معرفش فيه حد".

اقرأ أيضا: بالفيديو- منى فاروق تهدد بالانتحار: مش عارفه أعيش

استطردت منى باكية: "لو على العقاب في الدنيا أنا اتعاقبت بما فيه الكفاية، ولو على الأخرة سيبوني لربنا هو غفور رحيم، أنا هناك في السجن مكنش الغطا بيدفيني وكنت ببقا نايمة بردانة.. فرحت أوي بالغطا لما خرجت واني نايمة متدفية في بيتنا..دي نعم مكنتش واخدة بالي منها.. شوفت ناس عمري في حياتي ما كنت اتخيل إني أشوفهم، شوفت مجرمين بجد مش بتوع الأفلام.. أنا والله تبت إلى ربنا ونفسي اعمل عمرة بس يمكن ممعيش فلوس وكل ما يجيلي شغل في السعودية بيروح من عند ربنا فبقا عارفه ربنا مش كاتبلي دلوقت اني ازور بيته".

تابعت: "أنتوا عارفين الكلابشات اللي بتبقا في الايد دي بتبقا جامدة أوي وعورتني في ايديا.. أنا بقعد اتكلم مع ربنا كتير وبصلي وأخدت عهود كتير على نفسي وأنا في السجن بقيت أقول يارب عاهدتك لو خرجت مش هعمل كذا اوعدك يارب مش هعمل كذا، أنا عمري وانا جوا ما بطلت صلاة كنت كل يوم بصلي الفجر حاضر، كنت ممنوعة من الكلام جوا بس بدأت لأصعب على الناس فبدأوا يتكلموا معايا".



كانت محكمة جنايات شمال القاهرة قد أمرت بإخلاء سبيل الممثلة منى فاروق، بضمان مالي قدرة 10 آلاف جنيه، في سبتمبر الماضي، في واقعة اتهامها بنشر فيديوهات فاضحة مع المخرج خالد يوسف.

وكشفت حيثيات الحكم أن إفادة التقرير الفني بتعذر التيقن من أن المتهمة منى فاروق قامت بنشر تلك المقاطع من المحمول الخاص بها من عدمه.

وكشف مصدر قضائي أن الأمر بإخلاء سبيل المتهمة جاء لعدم توافر مبرارت الحبس الاحتياطي مثل عدم الخشية من هروبها وعدم القدرة على التأثير على الشهود أو العبث بأدلة الاتهام، وهذا لايعني أن التهمة تم إسقاطها.

وكشف محامي المتهمة من هيئة المحكمة بأنها محبوسة على ذمة القضية منذ أكثر من ستة أشهر، وهذه المدة لا تجوز قانونا.

تعود الواقعة إلى ديسمبر قبل الماضي عندما أمرت نيابة مدينة نصر الكلية، بإشراف المستشار تامر العربي، المحامي العام الأول للنيابات، بحبس الفنانتين منى فاروق وشيما الحاج على ذمة التحقيقات في اتهامهما بخدش الحياء العام بعد ظهورهما في فيديو إباحي.

اقرأ أيضا:


التصريحات الأولى لخالد يوسف على قضية الفيديوهات المسربة.. هكذا تحدث عن التحقيقات مع منى فاروق وشيما الحاج

بالفيديو- منى فاروق تبكي في أول ظهور لها بعد أزمة الفيديو الإباحي: تمنيت الموت وهذا ما حدث في يوم التصوير



كلمات متعلقة منى فاروق

إيمان مندور

2/18/2020 1:26:16 PM

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"