سمية الألفي عن خيانة الفيشاوي: مظلوم... مكنش بيقدر يقاوم الستات

إيمان مندور | فى حياة المشاهير

سمية الألفي

23 نوفمبر 2019 | اخر تحديث: السبت , 23 نوفمبر 2019 - 23:11

تحدثت الفنانة سمية الألفي عن فترات زواجها وانفصالها عن الفنان الراحل فاروق الفيشاوي، وعلاقاته النسائية المتعددة، وخيانته لها أكثر من مرة.

أوضحت الألفي خلال حوارها مع الإعلامي عمرو الليثي ببرنامج "واحد من الناس" على قناة "النهار"، أن الخيانة ليست خيانة جسد بل خيانة مشاعر، والفيشاوي لم يخنها بمشاعره لأنه لم يحب أحدا مثلها، ولم تحاول أن تثبت خيانته الجسدية أبدا، رغم المكالمات الهاتفية التي كانت تصلها باستمرار حول نزواته، مضيفة: "عمري ما قررت إني اروح اتأكد واقفشه.. مقدرش اعرضه لده ولا اعمل فيه كده".

أضافت أنها لم تنفصل عنه بسبب علاقاته النسائية، بل بسبب أولادها، قائلة: "أنا متطلقتش منه بسبب الستات .. أنا طلبت الطلاق عشان الولاد كان لازم حد مننا يربي الولاد.. قعدنا مع بعض واتفاهمنا في موضوع السهرة الليلية اللي بيحب يعملها كل يوم وشلة الصحاب اللي هما بالمناسبة أصحابي.. بس في ولاد ولازم يصحوا بدري وأنا لازم اصحى بدري معاهم، ده كله عايز طاقة ومجهود".

تابعت: "وقتها نزلنا اتطلقنا ورجعنا، كانت ماما واقفة تعمله طاجن بامية بالموزة لأنه بيحبها، واتغدينا كلنا على ترابيزة واحدة وعادي.. مجانين صح! بس هو ده كان حالنا.. وكان قرار صعب مش سهل.. إحنا بكينا وقت الطلاق بس قدام الناس نضحك عادي".

وعن علاقاته النسائية قالت سمية: "هو مبقدرش يقاوم الستات، قالي مرة بمنتهى البساطة إنه لو ست عملتله كده (أشارت له أن يأتي) بيروحلها ومبيقدرش يقول لا.. نعمل ايه في الستات بقا.. هو مظلوم الراجل".

يذكر أن الفنان فاروق الفيشاوي رحل عن عالمنا رحل عن عالمنا يوم الخميس 25 يوليو، عن عمر يناهز 67 عاما، بعد صراع طويل مع المرض.

اقرأ أيضا:

بالصور- دموع سمية الألفي في تكريم فاروق الفيشاوي

هبة مجدي: فاروق الفيشاوي أخفى علينا هذا الأمر في "الملك لير"