رسالة أحمد فهمي بعد زيارة ضحايا معهد الأورام

ولاء مطاوع | فى حياة المشاهير

أحمد فهمي

الأربعاء , 7 أغسطس 2019 - 19:08 | اخر تحديث: الأربعاء , 7 أغسطس 2019 - 20:08

زار الفنان أحمد فهمي، ضحايا انفجار معهد الأورام، الذي وقع فجر الاثنين الماضي، الموافق 5 أغسطس، وسقط جراءه عدد من ‏الضحايا ما بين قتلى ومصابين.‏

نشر أحمد فهمي، عبر حسابه الشخصي على Instagram، صورة من زيارته لأحد ضحايا الانفجار الأسود، بالقصر العيني، وعلق عليها ‏موجهًا رسالة للجمهور: " أسف مبدئيا على الصورة، بس أنا النهاردة كنت فى القصر العينى بزور بعض ضحايا الانفجار، بشكر كل ‏الناس اللى اتبرعت لمعهد الأورام بداية من محمد صلاح لحد أصغر واحد اتبرع ".‏

تابع فهمي: " لكن فى حاجة كمان حابب أوضحها، فى ناس تانية كمان محتاجة مساعدة من ضحايا الانفجار، غير المصابين بالسرطان ‏زى الحالة اللى فى الصورة، الولد دا محتاج دكتور مخ و أعصاب و محتاج دكتور عيون لأنه فقد عين بس ممكن تتلحق غير الحروق ‏اللى أصيب بيها و للأسف مفيش إمكانيات فلازم ناخد بالنا إن فى ناس تانية كمان اتأذت و محتاجة ".‏

اختتم أحمد فهمي رسالته قائلًا: " لو كل واحد فينا اتبنى حالة من ضحايا الانفجار سواء من المصابين بسرطان أو زى الطفل دا أو ‏حتى كل مجموعة اتبنت حالة هنساعد ناس بجد محتاجة، الموضوع كبير يا جماعة ولازم نتحرك و كل واحد باللى يقدر عليه، ‏شكرا". ‏

View this post on Instagram

اسف مبدءيا عالصورة ... بس انا النهاردة كنت فى القصر العينى بزور بعض ضحايا الانفجار .. بشكر كل الناس اللى اتبرعت لمعهد الأورام بداية من محمد صلاح لحد اصغر واحد اتبرع .. لكن فى حاجة كمان حابب أوضحها فى ناس تانية كمان محتاجة مساعدة من ضحايا الانفجار غير مصابين بالسرطان زى الحالة اللى فى الصورة .. الولد دا محتاج دكتور مخ و اعصاب و محتاج دكتور عيون لأنة فقد عين بس ممكن تتلحق غير الحروق اللى أصيب بيها و للأسف مفيش إمكانيات فلازم ناخد بالنا ان فى ناس تانية كمان اتاذت و محتاجة .. لو كل واحد فينا أتبنى حالة من ضحايا الانفجار سواء من المصابين بسرطان او زى الطفل دا او حتى كل مجموعة اتبنت حالة هنساعد ناس بجد محتاجة .. الموضوع كبير يا جماعة ولازم نتحرك و كل واحد باللى يقدر علية .. شكرا

A post shared by Ahmad Fahmy (@ahmadfahmy_official) on Aug 7, 2019 at 10:02am PDT

جدير بالذكر أن آخر أعمال أحمد فهمي الفنية، مسلسل "الواد سيد الشحات"، الذي عرض خلال شهر رمضان الماضي، وشاركه ‏البطولة، هنا الزاهد ومحمد عبد الرحمن وهو من إنتاج شركة "سينرجي"، وتأليف مصطفى صقر ومحمد عز وكريم يوسف وإبراهيم ‏خطاب، وإخراج أحمد الجندي‎.‎
‎ ‎حمادة هلال ‏‎ ‎