هكذا علقت هالة صدقي على دعوات تظاهرات 11/11

نهال ناصر | فى حياة المشاهير

هالة صدقي

الجمعة , 11 نوفمبر 2016 - 12:11 | اخر تحديث: الجمعة , 11 نوفمبر 2016 - 12:11

علقت الممثلة هالة صدقي على دعوات البعض للقيام بتظاهرات اليوم الجمعة 11 نوفمبر الجاري، ضد النظام المصري الحاكم.

وترى هالة أن من دعى لهذه التظاهرات هم جماعة الإخوان المسلمين وأن مخططهم فشل بعد هزيمة هيلاير كلينتون والتي كانت مرشحة لرئاسة الولايات المتحدة الأمريكية، أمم دونالد ترامب والذي أصبح رئيسا للولايات المتحدة.

وعبر حسابها في موقع التواصل الاجتماعي Facebook، وجهت هالة حديثها للإخوان المسلمين ولكل من يساندهم مؤكدا أن اليوم سيمر على خير وأن السرقات والتظاهرات ستحدث ولكن في الولايات المتحدة الأمريكية بسبب رفض الشعب للرئيس الجديد، فكتبت:

"للاسف بكره هيكون في قلق جامد لانه طبعا ١١/١١ والمولات هتتقفل وهتتسرق بس في أمريكا يا خرفان ونسيتوا ان ربنا كبير واكبر منكم ومن اي حد وكل توقعاتكم بنجاح هيلاري عدوه البشرية اللي استباحت دم ولادنا ودم السوريين واليمنيين والتونسه طارت حتي لو كان ترمب ده ايه بس مش ممكن يدعم الدواعش ولا يمكن يكون حقير زي اوباما او هيلاري
الحمد لله ربنا يحفظ مصر ويحافظ علي كل البشر
بكره هنخرج وهنتتفسح وأمريكا اغلب ولاياتهم هيقعدوا في البيت علشان القلق اللي هناك ربنا يحافظ علي المصريين اللي هناك والعرب وكل اللي في قلبه خير
من اوباما لهيلاري يا قلبي لا تحزن
وعلشان قلوبكم سوده زي وشكم ما فهمتوش قصدي لما قلت النور رجع مش لون البشره يا جهله ولكن لون القلب اللي أكيد هيكون ارحم من القلوب اللي عذبتنا وبهدلتنا وبهدلت ولادنا ولسه فيهم نفس يقتلوا ويفجروا
بلا بقي ابدأو الشتيمة لان ده بيسعدني جدا لانه بيأكدلي حجم خسارتكم وخيبه املكم في انتصار ترامب علي رئيستكم المعلمة هيلاري ".

وباركت هالة للوطن العربي مؤكده أن بفشل هيلاري للوصول للرئاسة أفشل مخططات كثيرة تم تخطيتها للقضاء على الدول العربية.

"مبروك للوطن العربي ورغم كل الضغط اللي عملتوه علينا والحصار الاقتصادي لكن ربنا كبير وفي القريب العاجل هتشوفوا مصر هتكون ام الدنيا بجد ازاي بولادها وشعبها اللي قاسي واستحمل كل الضغوط وتحيا مصر تحيا مصر تحيا مصر".

على جانب أخر، تنشغل هالة هذه الأيام بتصوير دورها في فيلم "آخر ديك في مصر" وهو من بطولة محمد رمضان، مي عمر، دينا، لبلبة محمد علي رزق، انتصار، إنجي وجدان.