شيماء سيف بعد اعتذار أيتن عامر لها: حبيبتي اعتذارك مقبول وعلى راسي

محمد سليم | فى سينما وتلفزيون

شيماء سيف وأيتن عامر

الخميس , 29 أكتوبر 2026 - 20:57

أعلنت الفنانة شيماء سيف قبولها اعتذار الفنانة أيتن عامر عن حديث دار بينهما قبل فترة حول تأخر الإنجاب، وسبب لها حرجا أمام زوجها محمد كارتر.

وقال شيماء سيف في منشور عبر حسابها في "فيسبوك": "حبيبتي يا أيتن اعتذارك مقبول وعلى راسى، وأنا أكيد عارفة إنه نصيحتك كانت عن حسن نية، بس صدقينى مش كل المواضيع ينفع فيها النصح وخصوصا قدام زوجى اللى كنا وقتها مش معرفين حد المشكلة فين، وده اللى أقصده إن البيوت أسرار مقفولة على أوجاعها وناسها، بس هما أدرى بيها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

شيماء سيف

وأضافت شيماء سيف: "فخلينا دايما مدام إحنا مش قريبين أوى، ومجرد أصحاب وزمايل بينا عشرة حلوة، نفضل سايبين الحدود دى ومنتعمقش أوى ونسأل أو ننصح بحاجات أكيد ناسها أدرى بيها، ولو كان بإيديهم كانوا حلوها لكن هى بتاعة ربنا".

وتابعت: "وبمناسبة البيوت أنا عزلت من بدرى ومبقناش جيران عشان بس تعرفى إننا مكناش بنتكلم والسلام كان لربنا بس، ولا يهمك هبعتلك اللوكيشن الجديد ياقمر وتنورى لأى حتة".

طالع أيضا - مواجهة بين أشرف زكي ونجوى ابراهيم بسبب تصريحاتها عن فساتين النجمات في الجونة

وكانت أيتن عامر حرصت على الاعتذار للفنانة شيماء سيف، بعد كشف الأخيرة أن أيتن عامر أحرجتها بحديث دار بينهما قبل فترة حول موضوع تأخر الإنجاب.

أيتن عامر

وقالت أيتن عامر في فيديو نشرته عبر حسابها في "فيسبوك": "اعتذار واجب للزميلة العزيزة شيماء سيف، أنا هبقى اعتذر لك قدام الناس كلها عن الموقف اللي حكيتيه في البرنامج إمبارح، والغرض الأساسي والأول من الفيديو أقوللك حقك عليا قدام الناس كلها، وأنا عايزة أرضيكي لإن إنت تعزي عليا وزعلك يعز عليا". (التفاصيل)

وأضافت: "لما قعدت أفكر مع نفسي اكتشفت إن إحنا كنا بنتكلم في القصة دي من 5 أو 6 سنين، وكنا أصلا بنتكلم عن موضوع الدايت وعمليات التكميم والمزايا والعيوب، وقلت لك ساعتها إن من ضمن المزايا إن عندي واحدة صديقتي كان الدكتور قال لها إن زيادة الوزن مؤثرة معاها شوية في موضوع الإنجاب، ولما عملت عملية التكميم ووزنها خس ربنا أكرمها والمشكلة اختفت".

وتابعت أيتن عامر: "وقتها مكنتش أعرف إن عندك مشكلة في القصة دي، وده اللي يثبت حسن نيتي، أنا لا كان قصدي أجرحك ولا أضايقك، وأكيد لو كنت رفعتي سماعة التليفون أو بعتيلي رسالة قلتيلي يا أيتن أنا زعلانة منك كنت هعتذر لك وأبوس راسك وأقوللك حقك عليا، وكانت خلصت من 5 أو 6 سنين".

اقرأ أيضا:

ميرهان حسين محاطة بالبالونات الملونة في جلسة تصوير عفوية وأجواء منزلية بمناسبة عيد ميلادها

شيماء سيف: أيتن عامر هي اللي أحرجتني بالكلام عن وزني وعدم الإنجاب

وليد توفيق عن آثار الحكيم: ملتزمة وماكنش مفيش تليفون في بيتها

هاني رمزي يحتفل بعيد ميلاده بحضور النجوم عقب تكريمه في مهرجان VS-FILM

لا يفوتك: كريم عبد العزيز وياسمين وأحمد مكي وأحمد عز ... يا ترى ليه النجوم دول مبيروحوش الجونة ليه؟

لا يفوتك: حرب نجوم رمضان بدأت بدري قوي ... قصف الجبهة اشتغل بين محمد رمضان وأحمد العوضي

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي 🫣
#عشماوي #سلطان_الديب https://t.co/ub6Wv3DL8l

— FilFan.com (@FilFan) October 19, 2026

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5