أيتن عامر: تتحدث عن علاقتها بطليقها وهل تفكر في الارتباط مجددا

نهال ناصر | فى حياة المشاهير

أيتن عامر

الثلاثاء , 24 فبراير 2026 - 09:02 | اخر تحديث: الثلاثاء , 24 فبراير 2026 - 09:02

تحدثت الفنانة أيتن عامر عن فكرة الزواج مجددا وعلاقتها الآن بطليقها وأبو أولادها.

وقالت أيتن عامر خلال لقائها ببرنامج "نجوم رمضان أقربلك" ردا على سؤال إنجي علي إن كانت تفكر في الزواج مجددا: " ليه لأ أكيد بفكر".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتطرقت للحديث عن علاقتها بطليقها بعد فترة من الخلافات لتوضح أن الأمور بينهما الآن على ما يرام قائلة: "العلاقة لطيفة إحنا تمام وهو بيشوف الولاد باستمرار وأنا وهو قط وفار زي ما إحنا عادي الحياة يعني".

نرشح لك: دينا: ابني يعيش المساكنة عادي لكن بنتي لا .. وكل واحد يربي معزته

View this post on Instagram

A post shared by NogoumFM (@nogoumfm)

وكشفت أيتن عامر أسرار اهتمامها بنفسها لتبدو دائما في أفضل حال وقالت: "ابتديت اهتم بنفسي أكتر وأدي لنفسي وقت أكتر، الولاد وهما في المدرسة بعمل حاجات لنفسي بروح أتمرن وأنزل أفطر في مكان أنا وصاحباتي اسأل على ناس مشفتهاش بقالي كتير ابتديت اعمل حاجات تفرحني أسافر بلد بحبها واشتري لنفسي حاجة كان نفسي فيها".

وأكملت أيتن عامر: "الأول مكنتش بعمل كده لما كان عندي ميزانية اعمل بيها حاجة كنت اقول لا أنا هكبر البيت هجيب حاجة للولاد دلوقتي بقيت أقدر أقسم الميزانية بتاعتي على الحاجات المهمة وعليا، الأول كنت بستخسر في نفسي أقول لا مش هجيب كذا عشان عايزة اعمل حاجة دلوقتي بقيت أكتر نضجا وبقيت عارفة ارتب نفسي أكتر بالميزانية اللي معايا بعمل حاجات بتفرحني وبعمل حاجات للناس اللي حواليا بتفرحهم فأنا أفرح".

يذكر أن ايتن عامر تشارك في رمضان 2026 بمسلسل "كلهم بيحبوا مودي".

مسلسل "كلهم بيحبوا مودي" بطولة ياسر جلال، أيتن عامر، ميرفت أمين، مصطفى أبو سريع، هدى الأتربي، جوري بكر، ريهام الشنواني، يمنى طولان، جودي مسعود، سلوى عثمان، ومحسن منصور، وأيمن عزب، إضافة إلى إيرينا يسري ملكة جمال مصر 2025، والعمل من تأليف أيمن سلامة، وإخراج أحمد شفيق.