طرنشات قميص نص كم … محمد صبحي يستعيد ذكريات موقف كوميدي في المعهد بسبب اللغة الإنجليزية ونبيل الحلفاوي يتدخل

نهال ناصر | فى حياة المشاهير

محمد صبحي

الجمعة , 23 فبراير 2024 - 16:02 | اخر تحديث: الجمعة , 23 فبراير 2024 - 16:02

لا يخلو أي لقاء للفنان محمد صبحي من حكايات ومواقف كوميدية مر بها في بداياته الفنية، وأعادت صفحته الرسمية على موقع X فيديو من لقاء له ببرنامج "مش ممنوع" عرض عبر قناة TEN عام 2021، حكى محمد صبحي فيه عن موقف كوميدي له أثناء الدراسة.

وقال محمد صبحي: "أنا درست فرنساوي مش إنجليزي في ثانوي، ولما دخلنا المعهد كل الدفعة كانت لغتها إنجليزي ما عدا أنا وبنت، الفنان نبيل الألفي قال نجيب مدرس لينا".

محمد صبحي أثناء فترة الدراسة بالمعهد

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد صبحي حكايته: "لما ببقى قاعد في مدرج فيه 60 طالب دفعتي ومش محسوب عند الراجل كنت بحب أهزر، واتفق مع الكل محدش يرفع إيده لما يسأل، لما يبدأ يسأل مش ببقى فاهم وبتفق مع اللي جنبي يقولي إنه بيسأل وأرفع إيدي، وأقول أي حاجة بثقة فيرد يقول Yes والكل يضحك".

نرشح لك: إلهام شاهين تكشف عن الفيلم الذي ندمت عليه: يسيء لفنان كبير

وأكمل محمد صبحي: "سأل سؤال تاني وأنا رفعت إيدي، راح طلع المدرج كله ووقف قدامي وقالي جاوب وكانت إجابتي سويتر بلوفر جاكت قميص نص كم بنطلون كاو بوي طرنشات طرنشات جزمة بنص من غير رباط، رد وقال طرنشات طرنشات ومسكني وجرني من المكان".

قلت أقول أي كلام انجليزي وهيعدي بس الدكتور ماعدهاش 😂
طرنشات طرنشات قميص نص كم🚶‍♀️🤣😂 pic.twitter.com/TEcbA1HahF
— الفنان محمد صبحي (@m_msobhy) February 23, 2024

وتدخل الفنان نبيل الحلفاوي الذي كان في نفس الدفعة مع محمد صبحي وأكمل الحكاية كاتبا عبر حسابه على موقع X: "مش عارف إن كان العزيز صبحي كمل الحكاية ولا لأ. تكملة الحكاية إنه قام يجري إلى خارج القاعة والمدرس وراه. صبحي دخل في قاعة صغيرة فاضية وقفل الباب. المدرس قعد يخبط على الباب ويقوله افتح. وصبحي من جوه يقول له مين؟ مين بيخبط؟".

محمد صبحي ونبيل الحلفاوي وهادي الجيار وشعبان حسين أثناء الدراسة في المعهد

تعليق نبيل الحلفاوي

يذكر أن آخر أعمال محمد صبحي كان مسرحية "عيلة اتعملها بلوك" وهو عرض كوميدي غنائي استعراضي بطولة النجمة وفاء صادق ويشارك في البطولة أيضا فرقة "استوديو الممثل": كمال عطية، ومصطفى يوسف، ومحمد يوسف، ومحمد سعيد، ورحاب حسين، وداليا حسن، ومنة طارق، وليلى فوزي، ومحمود أبو هيبة، ومحمد شوقي طنطاوي، وأنجيليكا أيمن، ومايكل وليم، ولمياء عرابي، وحلمي جلال الدين، وداليا نبيل، ومحمد عبدالمعطي، ووليد هاني، والطفلان عبدالرحمن محمود ومريم شريف.