محمد رضوان: محمد صبحي رشحني لشخصية "حلقوم" في "يوميات ونيس" واشتهرت أكتر لما كبرت

نادين يوسف | فى حياة المشاهير

محمد رضوان

الأربعاء , 13 ديسمبر 2023 - 11:12 | اخر تحديث: الأربعاء , 13 ديسمبر 2023 - 11:12

كشف الفنان محمد رضوان عن كواليس ترشيحه للمشاركة في مسلسل "يوميات ونيس" مع محمد صبحي حيث جسد شخصية "حلقوم".

قال محمد رضوان خلال لقائه مع الإعلامية إسعاد يونس في برنامج "صاحبة السعادة" المذاع على شاشة DMC وقال "كنا في المرحلة اللي الأستاذ محمد صبحي والأستاذ لينين الرملي مكنوش على وفاق وهو كان بيعمل مسرحية "ماما أمريكا" في مسرح قصر النيل وأنا معدي بالصدفة ولقيت زمايلنا بتوع الديكور وقالولي خش سلم على الأستاذ وقالي أنت بتعمل ايه دلوقتي قلتله أنا في المسرح القومي بس حاليا مش بشتغل قالي طيب أنا عايزك علشان هعمل مهرجان المسرح للجميع"

محمد رضوان

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع "بعد اسبوع ولقيته باعتلي دور حلقوم وهو كان في الجزء الخامس من يوميات ونيس وكان عايز يتجوز واحدة من اخوات زكريا وهو شخص موظف وبيقبض 150 جنيه في الشهر ومش معاه أي فلوس علشان يتجوز بس عايز يتجوز ويعيش حياته، هو كان قاتم شوية ومش بيحب لا المزيكا ولا الشربات وكل ما تقوله حاجة يقولها همشي والشخصية كانت واخدة الكوميديا من الجدية وفضلت الشخصية لغاية آخر الأجزاء"

محمد رضوان وإسعاد يونس

وعن مشاركته في عدد من المسلسلات الأخرى قال "مسلسل بدون ذكر اسماء كان مسلسل كويس جدا وكنت عامل شخصية الشيخ رشوان مع وليد فواز، وبعد كدة تامر محسن كلمني علشان مسلسل "هذا المساء" وقالي الدور مش كبير بس مهم في الأحداث"

نرشح لك: بحجاب وعباءة بيضاء … ميريهان حسين تؤدي مناسك العمرة

وتابع "يمكن ربنا يكون عايز اني اتعرف بشكلي الحالي بعد ما كبرت والناس حابة التركيبة دي دلوقتي لانه بيمثل الاب في كل أسرة"

View this post on Instagram

A post shared by dmc TV (@dmctv.eg)

يذكر أن محمد رضوان شارك في مسلسل "موضوع عائلي" مع ماجد الكدواني، رنا رئيس، طه دسوقي، سماء إبراهيم، محمد شاهين وغيرهم نخبة من النجوم. المسلسل من تأليف وإخراج أحمد الجندي.