فريدة سيف النصر تكشف عن شخصيتها في "فرقة الموت" مع أحمد عز وآسر ياسين

نادين يوسف | فى سينما وتلفزيون

كواليس فيلم فرقة الموت

الأربعاء , 25 أكتوبر 2023 - 11:10 | اخر تحديث: الخميس , 26 أكتوبر 2023 - 15:10

كشفت الفنانة فريدة سيف النصر عن الصور الأولى لفيلم "فرقة الموت" لأحمد عز، وآسر ياسين، ومنة شلبي.

كتبت فريدة سيف النصر على حسابها بموقع Facebook "في يوم جميل والهواء شديد جدا بقي يدخل الهدوم زي البراشوت وضحكت ضحك عمري برغم الالم والله .الفيلم ده من تلات افلام وكبار جدا هو اللي باعمله أنا غريبه مش اي شخصيه تشدني..ووالله كلنا في الشغل مالناش سيره غير غزه والعيال، لكن ده شغلنا"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

فريدة سيف النصر

وكشفت فريدة سيف النصر عن اسم الشخصية وقالت " المعلمة قشطه،في فرقة موت مع الجمال والأدب والذوق سوبر ستار أحمد عز..سعيده اني بتقابل مع جيل جديد.اتفاجأت أن عز عارف شغلي وكمان وهو بيتفرج عليا وانا باصور عمال يشكر فيا وصلولي طبعا. والاحلى مدير التصوير هو بتاع بدون ذكر اسماء، واتكلم عز علي نور الشريف بحب واني محظوظه عملت معاه أهم أعمالي وهو عمل معاه واهتم بيه جدا.. ومحمود عبدالعزيز وجماله...وقد ايه بيحبهم وكان نفسه يشتغل مع عاطف الطيب أنا عملت جبر الخواطر معاه وخدت جائزه من نادر جلال أنا بجد احمد الله محظوظه في الجيل اللي حضرته وانا صغيره من نجوم مش هاتتكرر اتعلمت علي ايديهم. والجيل ده بتاع عز وانا كبيره. عندنا اجيال هاتكمل بجداره"

فريدة سيف النصر

وأضافت "فيلم فرقة موت احمد عز، سر ياسين، القمر منه شلبي، الجميله أمينة خليل، مع السوبر ستار دائما، محمود حميده الاضافه لكل عمل، انتاج .هشام عبد الخالق..اخراج احمد علاء."

نرشح لك: محمد سلام يعتذر عن عدم المشاركة في موسم الرياض: لو ربنا سألنا أقوله كنت برقص وأغني وأخواتي في غزة بيموتوا؟

وتابع "منتج فني المحترم هاني عبدالله.. ارت ديزاينر. المبدعه ناهد نصر الله..بصراحه كلهم عشق العشق...مافيش شعور اجمل من انك تشتغل مع ناس فرحانه بيك ومخرج عارف امكانياتك فايسببك تبدع ..هاقول لكم علي حاجه تخبل ..تخيلوا احمد عز ممكن يعمل كوميديا ..بقي يقول لي افبهات قسما بالله حلوه قد ماتفاعل معايا قولتها..يارب ينجحوا كلهم ويكسروا الدنيا"

فريدة سيف النصر

يذكر أن فريدة سيف النصر شاركت في الموسم الرمضاني الماضي بمسلسل "جعفر العمدة" مع محمد رمضان، ومي كساب، وزينة، وأحمد داش، وإيمان العاصي، ومنة فضالي وغيرهم نخبة من النجوم. المسلسل من تأليف وإخراج محمد سامي.