"المسلمين طيبين" - أسما شريف منير: أحداث غزة أظهرت الإسلام بشكل أوضح .. انتظمت في الصلاة ونفسي أتحجب

مي جودة | فى حياة المشاهير

أسما شريف منير

الثلاثاء , 24 أكتوبر 2023 - 14:14 | اخر تحديث: الثلاثاء , 24 أكتوبر 2023 - 14:33

خرجت البلوجر أسما شريف منير في بث مباشر لمتابعيها عبر تطبيق Instagram لتشاركهم مخاوفها وأفكارها بعد الحرب الدائرة على غزة.

بدأت أسما شريف منير الفيديو، قائلة: "اللي بيحصل دا أكيد له سبب، وعلى أصعدة كتير أوي، حاسة إنه الإسلام ابتدى يظهر بشكل بان اد إيه المسلمين طيبين، وأد إيه في ناس كتير أوي بتخاف على بعض وبان حبنا للبلد، رغم أن الموضوع بقاله سنين".

وخلال الفيديو تحدثت عن تغيرات أصابتها شخصيا بعد أحداث غزة، قائلة: "من ساعة اللي حصل في غزة وأنا خدتها عند مع نفسي والتزمت في الصلاة وبقالي 15 يوم ملتزمة وقللت خروجي جدًا ودي حاجة مريحاني جدًا، وكل مرة الصلاة بتريحني وبتلهي في الدنيا ولكن دلوقتي بحاول، ونفسي انتظم على الصلاة لغاية ما أموت".

View this post on Instagram

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)

وتابعت: الواحد يلتزم في الصلاة الأول وبعدين يغطي شعره، نفسي أعمل كده وربنا يهديني للحجاب، أنا خايفة أعمل حاجة تكون مثال مش كويس للحجاب، ودايمًا الواحد لما بيبدأ في الخيط الأولاني ومينفعش تنفره في الحاجة دي، ولازم دايمًا لما تشوف حد بيعمل حاجة ساعده وادعيله بالهداية، ولو أنت شايف حد أبو لهب افتح نفسه على الدين، واقتضى بالرسول عليه الصلاة والسلام.

وأكدت أسما شريف منير أنها أصبحت لا تخشى الموت، وقالت: "بعد ما التزمت بالصلاة حسيت إني ممكن أموت عادي، أنا دايمًا خايفة من الموت لأني دايمًا حاسة إن ناقصني حاجات كتير قوي ومش عارفة هقف إزاي قدام ربنا، خايفة أموت وأنا مش جاهزة، ربنا يثبتني على الصلاة دايمًا والواحد نفسه السيئة والشيطان ساعات كتير بيدمر العلاقة اللي بيني وبين ربنا، وبحس إني لما بصلي بكون هادية وربنا هاديني وفي حد في ضهري ومفيش حد هيأذيني وعندي ثقة إن ربنا معايا.

اقرأ أيضا:

إيناس مكي في مرمى انتقادات جمهورها بسبب رقصة على أغنية "سطلانة" (فيديو)

رفضت مليون جينه من إسرائيل ... بدرية طلبة تكشف تفاصيل دعوتها لحضور اليوم الوطني الإسرائيلي

أول تعليق من حسين فهمي على تأجيل مهرجان القاهرة السينمائي: لا يمكن إقامته في ظروف المنطقة

#السهرة_الرياضية – ديفيد بيكهام يحكي عن إصابته بالاكتئاب في 1998 واعتداء مدرب مانشستر عليه في مسلسل Beckham

لا يفوتك: أول ظهور لابنة الفنانة ريم رؤوف.. ماما سرقت حلمي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5