الجمهور يهاجم عفاف مصطفى بعد حديثها عن زيارة عادل إمام

محمد سليم | فى سينما وتلفزيون

عفاف مصطفى

الاثنين , 21 أغسطس 2023 - 19:02 | اخر تحديث: الاثنين , 21 أغسطس 2023 - 19:19

تعرضت الفنانة عفاف مصطفى لانتقادات عديدة، وذلك بعد توجيهها رسالة للمخرج رامي عادل إمام، تحدثت فيها عن محاولاتها الكثيرة للتواصل معه، لمساعدتها على زيارة الفنان الكبير عادل إمام دون جدوى.

البداية كانت رسالة نشرتها عفاف مصطفى عبر حسابها في موقع التواصل الاجتماعي جاء فيها: "الرساله ال 5ليك في خلال سنه يااستاذ رامي اتمني يقراها أستاذي عادل ‘‘‘‘ نفسي ورجائي أشوف الأستاذ عادل وجه لوجه لاني عارفه اني الوحيده اللي بضحكه لما بقعد جنبه زي مقاللي قبل كده ‘‘ وكنت دايما أكلمه تليفونيا ويضحك ويبقي سعيد لمجرد يسمع صوتي ‘‘‘ دلوقت حضرتك يا استاذ رامي الوحيد اللي تقدر تحسم طلبي المتكرر ‘‘ سؤال استاذ رامي هوه انا خطر علي بابا ولا حاجه ؟؟؟ .... انا لو عملت كوبي لكل رسايلي اللي بطلب منك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنه مع رجائي ‘‘ الرجاء المتكرر ‘‘‘ ممكن تسمحلي وانت من بيت كريم بزيارته وتبلغه قبلها ولو عندكم تحفظات او ظروفه لا تسمح انا مش هزعل ‘ بس للعلم دائما اسمع بزملاء بيقولوا زورنا عادل امام في البيت ‘‘ لعلمك عندي العنوان من زمان واستطيع اعمل ‘‘ هجوم مشروع ‘‘ عليه لكن انا أكبر من كده ولا أضمن رد فعلكم في في زياره بدون موعد مسبق ومنعا للحرج ‘‘ الناس بتزوره إشمعني انا يعني ؟؟ بأمانه عايزه اشوفه واكلمه واطمن عليه وجه لوجه واشوف السعاده في وشه زي ما طول عمره تفرغ لإسعاد الناس ‘‘ عفاف مصطفي"

نرشح لك - محمود سعد يكشف تفاصيل مكالمة عادل إمام: صوته زي ما هو وهزوره قريب وولاده مستحيل يؤذوه

هجوم على عفاف مصطفى

البعض انتقد قيام عفاف مصطفى بنشر رسائل يفترض أنها موجهة للمخرج رامي إمام، كما أنها رسالتها بهذا الطريقة يمكن أن تعطي الجمهور صوة خاطئة ومسيئة لأسرة الزعيم، كما جاء في هذا التعليق على رسالة عفاف مصطفى.

عادل إمام

"مع احترامي ليكى وتقديري ليكى مينفعش ننشر الكلام دة يمكن يكون فى خلافات شخصية بين الناس دى او أحداث منعرفهاش لية نشرك نفسنا معاهم حضرتك زوق وجميلة وحبيتى تطمني علية بس الله واعلم ظروفهم اية لكن الحجات اللى بنشرها دى ممكن تسيئ ل الناس دى ويوصل للناس صورة غلط عنهم احنا ما نعرفش اية اللى بين ناشر الكلام دة وبين أسرة عادل امام وهل الكلام دة حصل فعلاا بنفس الصورة ولا لا اتا بقول كدة من حبى وتقديري لحضرتك"

طالع أيضا - شريف خير الله يكشف سبب أزمته مع أحمد السقا: كان بيعمل حاجات بتضايقني

هجوم على عفاف مصطفى

نفس المعلق أشار إلى أن أسرة عادل إمام غير مطالبة بتقديم أسباب في حال سماحها أو عدم سماحها لشخصيات معينة بزيارة الزعيم، وأوضح ذلك قائلا:

"الكلام مش مقصود بية حد معين لا حضرتك ولا غيرك المقصود ب الكلام ان محدش يعرف الظروف ولا الدوافع اللى تخلى استاذ رامى يرفض دخول ناس معينة محدش عارف الحجات الشخصية بينة وبين الناس دى وكل بيت لية أسرار وحياة الخاصة لية محدش يقدر يطلب من حد ان يقدم اسباب هوا لية مش عوز يدخلة بيتة هوا حر يدخل اللى هوا عوزة وميدخلش اللى هوا عوزة مش معنا كدة ان الناس دى سيئة ولا وحشة انا مقولتش الكلام دة عشان حضرتك تقولى تسيئ لحد انا بقول محدش يعرف اية الأسباب الخاصة اللى تمنع استاذ رامى يقابل الناس دى".

هجوم على عفاف مصطفى

معلق آخر رأي أن أي عتاب بين عفاف مصطفى ورامي إمام كان من الأفضل أن يبقى داخل الغرف المغلقة.

هجوم على عفاف مصطفى

معلق آخر أكد على أهمية احترام رغبة أسرة عادل إمام فيما يخص الزيارات، وعدم إتاحة الفرصة للهجوم على أسرة الزعيم، كما جاء في هذا الرد على عفاف مصطفى:

عادل إمام

"بصي يامدام عفاف حضرتك انسانه جدا ونفسك تشوفيه وتتكلمي معاه وده ناس كتيره عايزه كده من فرط حبها في عادل امام لكن لازم نحترم ايضا رغبة الاسره لانهم الاكثر درايه بحاله النجم الكبير وانشاء الله هتشوفيه ع خير بس ياريت منخليش كل واحد ليه غرض ما يهاجم اسرة الفنان عادل امام هو اكيد مش هيقبل بكده لو مدرك".

هجوم على عفاف مصطفى

وطالب معلق آخر عفاف مصطفى بعد تكرار طلب زيارة عادل إمام أكثر من ذلك.

هجوم على عفاف مصطفى

ولفت معلق آخر إلى أن المخرج رامي إمام أدرى بحالة والده، ولهذا يفضل عدم الإلحاح في زيارته، كما جاء في هذه الرد على رسالة عفاف مصطفى:

"اكيد الاستاذ رامي ادري بظروف والده الاستاذ عادل فلا تلحي بطلبك مره اخري"

هجوم على عفاف مصطفى

معلقون آخرون رأوا في رسالة عفاف مصطفى محاولة لإحراج أسرة عادل إمام، وكتبوا:

"انتي كدة بتحاولي تحرجيه قدام الناس و تدخلي الناس في قصة ملهمش فيها و تبيني رامي بشكل مش كويس قدام الناس و ايه قصة الهجوم المشروع دي؟"

هجوم على عفاف مصطفى

"حضرتك كده بتحرجيه وتجبريه قدام الناس وده مش اسلوب كويس خالص ربنا الي عالم بظرف الناس اكيد ف زملاء ف النص تقدري تكلميهم"

هجوم على عفاف مصطفى

"الحركه مش حلوه. لو كان حابب يقبل كان وافق بينه وبينك، انما احراجه اودام الناس مش لطيفه".

هجوم على عفاف مصطفى

واعتبر معلق آخر أن رسالة عفاف مصطفى محاولة للسعي وراء الشهرة قائلا:

عادل إمام

"مادلين طبر كمان نفسها تشوفه على فكره طبعا مع احترامي وتقديري لحضرتك مش البوست ده إللي هيخليكي تشوفيه ممكن تتصلي بابنه وتكلميه وتعرفي ظروفه وصحته ووعيه يسمح برؤية حد ولا لأ أما البوست ده فمن وجهة نظري الشخصية اعلان مش اكتر".

هجوم على عفاف مصطفى

ونصح معلق آخر عفاف مصطفى بالتوقف عن طلب زيارة عادل إمام، وعدم محاولة زيارته بدون موعد قائلا:

"طالما مردش متكرريش الطلب ممكن يكون هو تعبان وحضرتك عارفة انه بلغ من العمر ارذله اكييد فاكر ناس وناس لا وسمعت ان حصلت مشكلة لمحمد رمضان كان راح خطوبة حفيده من غير ميقولهم وانطرد بلاش تحطى نفسك ف حتة هتزعلك من حد بتحبيه".