بسمة وهبة تتقدم ببلاغ على الهواء ضد مادلين طبر: إنت بتعملي دعوة لاقتحام منزل عادل إمام

محمد سليم | فى سينما وتلفزيون

بسمة وهبة ومادلين طبر

الثلاثاء , 15 أغسطس 2023 - 21:08 | اخر تحديث: الثلاثاء , 15 أغسطس 2023 - 21:08

هاجمت الإعلامية بسمة وهبة الفنانة والإعلامية مادلين طبر، بعد تصريحاتها الأخيرة في المهرجان القومي للمسرح، والتي تحدثت فيها عن الفنان الكبير عادل إمام.

وقالت بسمة وهبة خلال تقديمها حلقة اليوم من برنامج "90 دقيقة" عبر قناة المحور: "النهاردة شوفت بوست سيئ وعصبني جدا، الفنانة مادلين طبر قايلة كانت أمنيتي إن عائلة الزعيم عادل إمام تفرج عنه، ويحضر تكريمه في المهرجان القومي للمسرح، وكنا نستقبله على رموش عينينا، ورامي ابنه مش بيرد خالص، طيب إزاي نطمن عليه، لازم نقتحم الفيلا؟، والناس اللي اقتحموا بيته وعرفوا يعملوا عيد ميلاده برافو عليهم وده المهم".

نرشح لك - أحمد الفيشاوي في تصريحات محذوفة من "ليك لوك": أحمد السبكي بنك وقبضني جزء من أجري حواوشي... وأدعم بطانة رانيا يوسف وهي مطرزة بعلم قوس القزح

عادل إمام

وأضافت بسمة وهبة: "ده بوست صادم جدا لا يليق بمكانة فنانة، وهي بكلامها هذا تسيء للفن اللي هي محسوبة عليه، يعني إيه عائلته تفرج عنه، مين قال ليكي إنهم مكتفينه، وإنت مالك؟ إنت تعرفيه منين، يحضر المهرجان أو لا يحضر إنت دخلك إيه؟ ورامي ابنه يرد عليكي ليه، هو إنتو صحاب؟ وهل إنت جيل الزعيم أصلا؟ إنت محسساني إنك بنت خالته".

عادل إمام

وتابعت: "وبعدين إنت عارفة إن كلمة لازم نقتحم الفيلا ممكن تتحاسبي عليها قانونا، إنت بتعملي دعوة لاقتحام منزل الزعيم عادل إمام؟ إنت فاكرة نفسك رايحة تقتحمي عشة فراخ؟ أنا دلوقتي بعمل فيكي بلاغ إنك بتقولي نروح نقتحم الفيلا، دي دعوة غير قانونية بالمرة".

طالع أيضا - لحظة وصول أحمد فلوكس للمحكمة بعد ضبطة لتنفيذ حكم بالحبس (فيديو)

مادلين طبر

وأكملت: "وبعدين عرفتي منين إن في ناس اقتحموا بيته وعملوا له مفاجأة، إنت تعرفي هما إيه بالنسبة له؟ إنت بتتكلمي عن الفنانة يسرا والفنانة لبلبة عشرة عمره وأصدقاؤه، إنت حاشرة نفسك ليه وإنت مش في نفس المكانة".