حلمي عبد الباقي: رفضت دخول بناتي مجال الغناء لأني فلاح (فيديو)

نهال ناصر | فى سينما وتلفزيون

حلمي عبد الباقي

السبت , 4 مارس 2023 - 14:03 | اخر تحديث: السبت , 4 مارس 2023 - 14:03

كشف الفنان حلمي عبد الباقي سبب رفضه دخول بناته مجال الفن والغناء.

وقال حلمي عبد الباقي خلال لقائه في برنامج "سبوت لايت" من تقديم شيرين سليمان عبر قناة "صدى البلد": الموضوع صعب وأنا شوية فلاح ومش حابب أنهم يتعبوا ويشوفوا اللي أنا شفته الوسط دلوقتي يخليني قلقان الأخلاقيات مش زي زمان.

حلمي عبد الباقي كشف سبب رفضه دخول بناته مجال الغناء

وتحدث حلمي عبد الباقي عن بناته وقال عنهن: عندي أربع بنات ومدلع خالص يا بخت اللي عنده بنات، أساميهم دينا وماهيتاب وساندي وباكينام، أمي كانت تقولي أنت مسمي لنا أسماء هندي ومكنتش تعرف تقول باكينام، كلهم متعلقين بيا، وبنتي الكبيرة دينا كانت بتغني وحافظة الأغاني بتاعتي أكتر مني.

كما تحدث حلمي عبد الباقي خلال اللقاء عن ذكرياته مع الغناء وبداية مشواره الفني وموقف تعرض له في حياته، وقال جيلنا كان محظوظ، ولكن مش محظوظ إعلاميا والمتلقي كان مختلف عن دلوقتي ولما كنا بنعمل أغنية كنا نتوقع أنها رايحة في حتة تانية لأن المتلقي سميع للأغاني.

نرشح لك: منال سلامة: بنتي كانت بتعلم رقص للإنفاق على نفسها ودلوقتي مشهورة أكتر مني (فيديو)

حلمي عبد الباقي استعاد ذكرياته بداياته الفنية وحكى مواقف مضحكة تعرض لها

وتابع حلمي: أنا اللي اكتشفت نفسي ومحدش اكتشفني وأنا من الزقازيق، وكان فيه أفراح عندنا وصاحب الفرح كان صحابي بيخلوني أغني، ولما جه العيد القومي لمحافظة الشرقية خلوني أغني في الحفلة دي، ومن ساعتنا اكتشفت أني بغني كويس.

حلمي عبد الباقي

وأضاف حلمي: على مدار حياتي في مواقف كتير لما بفتكرها بضحك، وكنت في كورال الجامعة بغني صولو ومكنتش أعرف يعني إيه موال ومقام، واتعلمت كل ده بالممارسة، ومرة كنت طالع في حفلة تبع الجامعة وكنت بغني للاستاذ محمد العزبي، وكنت مبسوط جدا وقتها ولما خلصت قولت للأستاذ قطب إيه رأيك؟ فقالي إيه القرف ده عمال تدخل من مقام وتدخل مقام تاني، وكانت نقلة في حياتي وكنت لازم اتعلم واثقف نفسي وبقيت أعرف من الموسيقيين كل حاجة محتاج أعرفها في المزيكا.

اقرأ أيضا:

أول تعليق من أحمد آدم عن تداول فيديو هجومه على تامر حسني

أشرف زكي يفوز بمنصب نقيب المهن التمثيلية

كليب "ولعانة" يكشف سر شارب "الكبير"...كيف احتفى أحمد مكي بنسبه لبني هلال؟

شيكو بتسريحة شعر جديدة في بوستر "ابن الحاج أحمد".. تعرف على موعد طرحه

لا يفوتك: تحليل النغمات مع عمك البات: تقييم أغنية "جيت" لـ عطار

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5