منال سلامة: بنتي كانت بتعلم رقص للإنفاق على نفسها ودلوقتي مشهورة أكتر مني (فيديو)

نهال ناصر | فى حياة المشاهير

منال سلامة وابنتها

السبت , 4 مارس 2023 - 11:09 | اخر تحديث: السبت , 4 مارس 2023 - 11:09

تحدثت الفنانة منال سلامة عن ابنتها الممثلة الشابة أميرة أديب وطريقة تربيتها لها واعتمادها على نفسها طوال الوقت.

وقالت منال سلامة خلال حلولها ضيفة على برنامج "الراديو بيضحك" من تقديم الإعلامية فاطمة مصطفى عبر إذاعة "الراديو 9090": أميرة بقت مشهوره أكتر مني، هي شاطرة وموهوبة وعملت كل حاجة من نفسها ومن صغرها متعبتنيش.

منال سلامة وابنتها

وحكت منال سلامة عن ابنيها أميرة وعلي وطريقة تربيتها لهما: لما درسوا برا مصر كان مصروفهم محدود جدا، كانوا بيشتغلوا وهما طلبة، ابني كان بيشتغل بيقطع شجر ويشيله، وأميرة كانت بتنزل تعلم رقص وتاخد 50 جنيه.

نرشح لك: كلب أميرة شنب يتسبب في قطع نافذ في أوتار وأعصاب جارها.. حالته خطيرة في غيبوبة!

وتابعت: أنا أبويا رباني على أني إنسان مش بنت، مفيش فكرة الولد والبنت، أنا كنت البكرية وكان بياخدني معاه على القهوة، أنا تربيت بكره كلمة راجل أنا إنسان، وربيت أميرة وعلي على كده، اتربوا على نفس القيم والمبادئ، أميرة بتسافر بالشهر وتقعد في أماكن بـ3 دولار في اليوم، مرة حجزت في مكان واتنصب عليها ونامت على البحر.

أميرة أديب شاركت في عدد من الأعمال

وأكملت منال سلامة: أميرة بتحب السفر في حاجات بتجهزها وحاجات بتسافر على باب الله، أنا سيباها تعتمد على نفسها أنا بربيها على أني مش عايشالها طول العمر، وأنا ربيتهم يعيشوا في مستوى بسيط ومستوى عالي، يقعدوا على الطبلية ويتعاملوا مع الناس بمنتهى البساطة ولو تواجدوا في مكان 7 ستار تتعامل بنفس الطريقة.

أميرة أديب تنشر فيديوهات ليومياتها

يذكر أن منال سلامة تشارك في بطولة مسلسل "الأصلي" الذي يعرض عبر قناة dmc ومنصة watch it.

ومسلسل "الأصلي" من تأليف أمين جمال، وإخراج أحمد حسن، وتنتجه شركة أروما ستوديوز - تامر مرتضى - وبطولة كل من ريهام عبد الغفور ومنال سلامة وحمزة العيلي وفتوح أحمد، وأحمد كشك، و إيناس كامل، وشاهيستا، وأحمد جمال وعدد كبير من النجوم.

اقرأ أيضا:

أول تعليق من أحمد آدم عن تداول فيديو هجومه على تامر حسني

أشرف زكي يفوز بمنصب نقيب المهن التمثيلية

كليب "ولعانة" يكشف سر شارب "الكبير"...كيف احتفى أحمد مكي بنسبه لبني هلال؟

شيكو بتسريحة شعر جديدة في بوستر "ابن الحاج أحمد".. تعرف على موعد طرحه

لا يفوتك: تحليل النغمات مع عمك البات- تقييم أغنية عمرو دياب الجديدة "بطمن عليك"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5