خاص المخرجة كوثر يونس: "صاحبتي" أول فيلم بعيد عن حياتي الشخصية

نهال ناصر | فى سينما وتلفزيون

كوثر يونس

الاثنين , 21 نوفمبر 2022 - 17:15 | اخر تحديث: الاثنين , 21 نوفمبر 2022 - 17:15

تشارك المخرجة كوثر يونس بفيلمها "صاحبتي" في مسابقة الأفلام القصيرة بالدورة الـ44 من مهرجان القاهرة السينمائي الدولي.

تدور أحداث الفيلم في ليلة واحدة، عندما يذهب "علي" لزيارة صديقته "سارة" في بيتها متنكرا في هيئة فتاة، من أجل محاولة قضاء ليلة معها أثناء وجود أهلها في البيت ولكن دون علمهم، ويقوم ببطولته إلهام صفي الدين ومارك حجار.

التقى FilFan.com بالمخرجة كوثر يونس لتحدثنا عن رحلتها مع فيلم "صاحبتي" والمشاركة في مهرجان القاهرة السينمائي الدولي وقبلها في مهرجان فينيسيا.

في البداية عبرت كوثر يونس عن سعادتها بالمشاركة في المهرجان وقالت: أنا محظوظة السنة دي جدا كصناع أفلام في وقت بنمر فيه بأزمات وبتبقى الدنيا سودا جدا لكن أنا محظوظة كوني أول فيلم مصري قصير يروح مهرجان فينيسيا وبعدها بيتعرض في مهرجان القاهرة السينمائي ودي أهم حاجة أنه يتعرض في بلدي لأنه في النهاية فيلم مصري بيحصل في مصر وبيعبر عن أفكار واحدة مصرية.

المخرجة كوثر يونس

نرشح لك: إلهام صفي الدين: شاركت في "صاحبتي" بالصدفة وفكرة الفيلم لم تقلقني

وكشفت كوثر يونس كيف جاءت لها فكرة الفيلم وقالت: فكرة "صاحبتي" جاتلي بشكل تراكمي، الخطوط الأساسية اترسمت وقت كورونا وأحنا قاعدين في البيت، أنا كل أفلامي بتبقى أفلام قصة حصلتلي مثلا فيلم "هدية من الماضي" كان عن علاقتي بوالدي وفيلمي الثاني كان عن علاقتي بصديقتي، وكنت بحاول أطلع برا القالب ده وقولت لما الاقي فكرة حلوة أمشي معاها لحد ما أشوف هتعمل إيه كنت بجرب هوصل لفين بعيدا عن فكرة أن الموقف دا حصلي أو حصل قدامي، فكرة الفيلم هي ماذا لو الموقف دا حصل أول صورة شفتها في الفيلم كانت الهروب، فكرت أزاي الفيلم يتصدق ويبقى حقيقي كان لازم الشخصيات تبقى حقيقية علشان كده عملت بروفات كتيرة وغيرت ممثلين لحد ما قابلت مارك ,إلهام وحسيت أنهم مناسبين.

كوثر يونس ومارك حجار خلال حضورهما فعاليات مهرجان فينيسيا

وحكت كوثر يونس كيف اختارت إلهام صفي الدين ومارك حجار لبطولة الفيلم وقالت: قابلت إلهام في مكان بالصدفة ومكنتش أعرف أنها قريبة إلهام شاهين شكلها وشعرها القصير استفزني سألتها إن كانت عاوزة تمثل وهي وافقت وبعد تجربة الأداء اكتشفت أنها بنت أخت إلهام شاهين، أما مارك كان بيمثل من فترة طويلة وفي وقت كان بيشتغل معايا مساعد مخرج ولما كنت بدور على ولد أبيض ملامح وشه ممكن نتعامل معاها لحد ما افتكرته وهو سلم نفسه ليا وسمع كل الكلام.

بوستر فيلم صاحبتي

وعن الصعوبات التي تواجهها لإنتاج فيلم قصير قالت: فيلم "صاحبتي" أخد حوالي سنة علشان يظهر من بروفات لمدة 6 شهور، الفيلم دا كنت واخدة جايزة وكملت فالتمويل كان ذاتي، الفيلم القصير بيتم إنتاجه بتعاون كل فريق العمل لأن كل واحد بيشتغل بشغف أنه عاوز يشارك فيه لأنه مش بيجي منه عائد مادي، بحس أنه إجازة من العالم أنت بتقدم عمل عاوز تطرح فيه فكرة بعيدا عن المكاسب المادية.

و"صاحبتى" ينتمى لنوعية أفلام الدراما الرومانسية ومدته 17 دقيقة واشتركت كوثر فى كتابة السيناريو الخاص به مع أحمد عصام السيد، ويقوم ببطولته إلهام صفى الدين، ومارك حجار وفاضل الجارحي وسونيا فريد، وإنتاج ساندرو كنعان ومدير التصوير سيف الدين خالد وقام بالمونتاج المخرج المعروف خالد مرعي، وهو إنتاج وتمويل كوثر يونس.

فيلم وثائقي وفيلم المخرجة نهى عادل أخد جايزة في مهرجان قرطاج مرحلة ما بعد الإنتاج وكلام عن فيلم طويل.

اقرأ أيضا:

رسميا.. طلاق نسرين طافش بعد 5 شهور زواج

طفلة مسرحية "هالة حبيبتي" تلفت الأنظار في أول ظهور على السجادة الحمراء للقاهرة السينمائي

أثارت الجدل بفستان شفاف في الافتتاح ... هبة السيسي بتنورة قصيرة في عرض فيلم "رحلة يوسف" بالقاهرة السينمائي

هالة صدقي: طلاقي تم على الشريعة الإسلامية بعد فشلي في تغيير ملتي

لا يفوتك: أحمد خالد صالح يتحدث لـ"في الفن" عن زيادة وزنه في "19 ب" وخوف هنادي مهنى

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5