مبروك عطية يعلق على تسريب نجلاء فتحي عن عادل إمام: مقولتيلوش كخ من 40 سنة ليه؟

مي جودة | فى حياة المشاهير

عادل إمام ومبروك عطية ونجلاء فتحي

الجمعة , 17 يونيو 2022 - 20:53 | اخر تحديث: الجمعة , 17 يونيو 2022 - 20:53

علق الداعية الإسلامي مبروك عطية على التسريب الصوتي للنجمة نجلاء فتحي الذي هاجمت فيه النجم عادليها إمام بسبب موقفه من ثورة يناير 2011 ووصفها لأعماله الفنية بأنها تساند الفساد.

قال مبروك عطية: "الكل رأى ما قالته نجلاء فتحي بحق الفنان عادل إمام، فعايز أقولها أنتي شايفة إن فنه نشر الفساد، كنتي فين من 40 سنة، دا اللي عايز أقوله، أنا شايف واحد من وجهة نظرك، بيقدم الفساد من أربعين سنة ليه مقولتش له كخة من 40 سنة ومنبهتوش ليه وموعظتوش ليه".

وتابع: زي عروسة كفر الدوار، جاي يكتب الكتاب تقول له أمك ثم أمك، ماتقالش ليه قبلها الكلام دا، نفس الفكرة، كلام في غير محله، لما نستنى كل واحد طير فلوسه وأفلس ونقول له شوفت؟ طب مانصحتوش وهو بيعزق ليه، بنأخر النصيحة ليه؟ فكان من أول سنة وهو لسه شغال معاكي صبي، كنتي قولتي له اوعى يا واد تنشر الفساد، تبقي ابرأتي الذمة.

وكان تسريب صوتي انتشر لنجلاء فتحي أثناء حديثها عن عادل إمام يعود تاريخه لـ2011، وقالت فيه: " "يا عادل إمام اللي عملك هو الشعب.. اللي دفع فيك تذكرة ووصلك للملايين هو الشعب".

ووصفت نجلاء فتحي أعمال إمام بأنها "فساد لمحبة الفساد.. يعني طلّع الفاسد بالآخر هو الرابح"، وقالت: "40 سنة وأنت بتشرّب الناس اللي أنت عايزه، اللي الدولة عايزاه".

اقرأ أيضا:

هياتم تكتب مقالا في "الكواكب".. أعادت تقييم الرقص الشرقي بعيدا عن "هز البطن"

دينا الشربيني بإطلالة جريئة في أحدث ظهور

أطربت الجمهور في ليلة الـ6 ممنوعات وغنت لبلدها.. تفاصيل حفل ماجدة الرومي في موسم جدة

نشوى على تتحدث لـ"في الفن" عن غموض فتحية في "البيت بيتي" وتحدي "الحفيد" وصعوبة أن تكون ابنة فنان

لا يفوتك: دنيا عبد العزيز تفتح قلبها لـ في الفن وتتحدث عن زواجها وسبب اختيارها لـ"نويبع" لقضاء شهر العسل

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5