القصة الكاملة لمشاجرة حسن شاكوش ورضا البحراوي .. بدأت على المسرح ووصلت لمواقع التواصل

مي جودة | فى حياة المشاهير

حسن شاكوش ورضا البحراوي

الأربعاء , 1 سبتمبر 2021 - 16:59 | اخر تحديث: الأربعاء , 1 سبتمبر 2021 - 17:14

استيقظ محبو الغناء الشعبي والمهرجانات على شجار وفيديوهات متبادلة بين رضا البحراوي وحسن شاكوش لاستكمال الأزمة التي نشبت بينهما منذ أيام.

ظهر شاكوش في السادسة صباح الأربعاء الأول من سبتمبر في بث حي عبر موقع Facebook ليرد على اتهامات رضا البحراوي له بأنه سبه بالأم والأب، ولم تمر ساعة ليظهر البحراوي أيضا في بث مباشر!

بداية الأزمة

في السبت، 28 أغسطس، بدأ الأمر في إحدى الحفلات التي جمعت بين شاكوش والبحراوي في الساحل الشمالي، فعندما صعد شاكوش على المسرح، كانت فرقة رضا مازالت متواجدة على المسرح، وقرر مطرب المهرجانات أنه لن يستكمل فقرته إلا عندما تغادر الفرقة الأولى المسرح، ونُفذ طلبه وسط استياء من أعضاء الفرقة.

وقبل انتهاء فقرة شاكوش، صعدت فرقة البحراوي من جديد للمسرح، مما أثار غضب شاكوش، ووجه لهم إشارات خارجة وبذيئة، فردت عليه الفرقة وتبادلوا السباب، لولا تدخل حمو بيكا لتهدئة الوضع.

مشادة على المسرح بين حسن شاكوش ورضا البحراوي (فيديو)

رضا البحراوي يبدأ الهجوم

في نفس الحفل، فور ظهور البحراوي على المسرح، قال: "فين حسن هو هرب أنا نفسي فيه"، مما اعتبرها شاكوش إساءة له.

رد أعنف من شاكوش

استغل حسن شاكوش حفله في شرم الشيخ ليرد على البحراوي، حيث ردد واحد من إيفيهات فيلم "حين ميسرة"، وهو "رضا جيه يا أم رضا"، وتبعها بغناء مقطع مليء بالألفاظ الخارجة.

وبالتأكيد هذا الأمر لم ينل إعجاب رضا البحراوي فاتهمه بأنه يسب والدته ووالده.

بث مباشر

البداية مع شاكوش

قال شاكوش: "أنا مش بطلع أغني أغاني حد، أنت مش ليك أغاني ولا عندك CV، لإن الأغاني اللي بتغنيها مش بتاعتك، أنت مش بتصرف على أغانيك عشان عارف أنك لايف بس، كل قناتك عبارة عن تسجيل لحفلاتك بس، وإحنا جينا على نجاح مش على البايظ".

وتابع: ولو شوفت الأرقام بتاعتي هتتخض، أغنية واحدة من بتوعي بتاريخك كله، وأنا بطلع أغني شغلي، لكن مش باخد إيفيهات من على التكاتك والميكروباصات، اجتهد وهات فكر من دماغك وبلاش تعلق همومك على شماعة غيرك، وعمري ما سمعت ليك أغنية في الشارع مكسرة الدنيا،

وأضاف: الغلط راكبك من ساسك لراسك، ولو على السب أنت اللي سبيت وجبت سيرتي بالاسم، أنت اللي قولت (فين حسن هو هرب أنا نفسي فيه)، أما أنا فذكرت إفيه من فيلم "حين ميسرة" والجميع فهم الإيفيه، وماغلطتش في أمك وأبوك، جزمتهم فوق راسي عشان في مقامي أهلي. قال شاكوش: "أنا مش بطلع أغني أغاني حد، أنت مش ليك أغاني ولا عندك CV، لإن الأغاني اللي بتغنيها مش بتاعتك، أنت مش بتصرف على أغانيك عشان عارف أنك لايف بس، كل قناتك عبارة عن تسجيل لحفلاتك بس، وإحنا جينا على نجاح مش على البايظ".

حسن شاكوش لرضا البحراوي: أنت ملكش CV.. وأتحداك تعمل نجاح "بنت الجيران"

رد سريع من البحراوي

قال رضا البحراوي: "حسن شاكوش طالع يتكلم دلوقتي يقول أنا عندي كام مليار واليوتيوب وأنت ملكش أغاني، طيب أنا من سنة 2000 يا حسن، وكنت عامل شريط صغير مع عماد محرم، وقايل أغاني أنت متعرفش تقولها، 2005 عملت أغنية مع عبد السلام اللي كسرت العالم، وشرف لي أن الفنان حكيم غناها".

وتابع: وعملت أغاني مسلسلات وتترات ودراما، حاجات ماتعرفش أنت تعملها، وعملتها لوحدي، أنت بتقول أنك نجم منرفز نفسك ليه أوي كده، شاغل دماغك بيا ليه، (بنت الجيران) مش نجاحك لوحدك لأن معاك عمر كمال، و(فودكا) كان معك حمو بيكا، مجبتش سيرتهم مع أنهم من أن أسباب النجاح، عشان أنت مش سالك وأنا مش شاغل بالي بيك أصلا، أنا قاعد مع الحمام في غيتي، أنت نجاحك بحد تاني مش لوحدك وبرغم ذلك مذكرتش حد فيهم.

وأضاف: بغني لناس متعرفش تغني لهم، أنا بطلع أغني حي، مبحطش فلاشة وأحرك شفايفي بس، وأنا معايا 40 واحد في الفرقة، أنت عملت 3 أغاني يوتيوب يعني لو قعدت في بيتك مع الـ3 أغاني دول هتصرف عادي، ولكن متعرفش تغني تتر بداية أو نهاية مسلسل أو تغني دراما، بشوفك بس بفلاشة.

رضا البحراوي لحسن شاكوش: بشوفك بس بفلاشة - فيديو

لا يفوتك مشاهدته

اقرأ أيضا:

هيفاء وهبي ترقص على "أماكن السهر" لعمرو دياب (فيديو)

القبض على ممثل المركز الألماني الدولي في مصر بعد أزمة دكتوراة محمد رمضان

زينة تحذر عروس: إيه الجواز دا فكري تاني (فيديو)

هيفاء وهبي وإلهام شاهين وهاني رمزي والنجوم يحتفلون بعيد ميلاد هالة سرحان (صور وفيديو)