حسن شاكوش لرضا البحراوي: أنت ملكش CV.. وأتحداك تعمل نجاح "بنت الجيران"

مي جودة | فى حياة المشاهير

البحراوي وشاكوش

الأربعاء , 1 سبتمبر 2021 - 13:32 | اخر تحديث: الأربعاء , 1 سبتمبر 2021 - 16:49

تصاعدت الأزمة بين مغني المهرجانات حسن شاكوش والمطرب الشعبي رضا البحراوي.

في بث مباشر عبر صفحته الرسمية بموقع Facebook، قال شاكوش: "أنا مش بطلع أغني أغاني حد، أنت مش ليك أغاني ولا عندك CV، لإن الأغاني اللي بتغنيها مش بتاعتك، أنت مش بتصرف على أغانيك عشان عارف أنك لايف بس، كل قناتك عبارة عن تسجيل لحفلاتك بس، وإحنا جينا على نجاح مش على البايظ".

مشادة على المسرح بين حسن شاكوش ورضا البحراوي (فيديو)
وتابع: ولو شوفت الأرقام بتاعتي هتتخض، أغنية واحدة من بتوعي بتاريخك كله، وأنا بطلع أغني شغلي، لكن مش باخد إيفيهات من على التكاتك والميكروباصات، اجتهد وهات فكر من دماغك وبلاش تعلق همومك على شماعة غيرك، وعمري ما سمعت ليك أغنية في الشارع مكسرة الدنيا،

وأضاف: الغلط راكبك من ساسك لراسك، ولو على السب أنت اللي سبيت وجبت سيرتي بالاسم، أنت اللي قولت (فين حسن هو هرب أنا نفسي فيه)، أما أنا فذكرت إفيه من فيلم "حين ميسرة" والجميع فهم الإيفيه، وماغلطتش في أمك وأبوك، جزمتهم فوق راسي عشان في مقام أهلي.

يذكر أن الأزمة بدأت منذ أيام في أحد الحفلات التي جمعت بين شاكوش والبحراوي في الساحل الشمالي، فعندما صعد شاكوش على المسرح، وكانت فرقة رضا مازالت متواجدة على المسرح، فقرر مطرب المهرجانات أنه لن يستكمل فقرته إلا عندما تغادر الفرقة الأولى المسرح، ونُفذ طلبه ذ وسط استياء من أعضاء الفرقة.

وقبل انتهاء فقرة شاكوش، صعدت فرقة البحراوي من جديد للمسرح، مما أثار غضب شاكوش، ووجه لهم إشارات خارجة وبذيئة، فردت عليه الفرقة وتبادلوا السباب، لولا تدخل حمو بيكا لتهدئة الوضع.

لا يفوتك مشاهدته

اقرأ أيضا:

هيفاء وهبي ترقص على "أماكن السهر" لعمرو دياب (فيديو)

القبض على ممثل المركز الألماني الدولي في مصر بعد أزمة دكتوراة محمد رمضان

زينة تحذر عروس: إيه الجواز دا فكري تاني (فيديو)

هيفاء وهبي وإلهام شاهين وهاني رمزي والنجوم يحتفلون بعيد ميلاد هالة سرحان (صور وفيديو)