مشادة على المسرح بين حسن شاكوش ورضا البحراوي (فيديو)

مروة لبيب | فى موسيقى وحفلات

رضا البحراوي وحسن شاكوش

الأحد , 29 أغسطس 2021 - 13:17 | اخر تحديث: الأحد , 29 أغسطس 2021 - 13:18

وقعت مشادة بين مطرب المهرجانات حسن شاكوش والمطرب الشعبي رضا البحراوي في الساحل الشمالي.

وعبر حسابه على Facebook‬، نشر الصحفي هاني عزب مقطع فيديو للمشادة التي وقعت بين حسن شاكوش ورضا البحراوي وكشف تفاصيلها كالتالي "انفراد كواليس خناقة وحرب الشوارع بين حسن شاكوش ورضا البحراوي.. البداية كانت مع شاكوش اللي لما طلع على المسرح كانت فرقة رضا موجودة على المسرح.. شاكوش قرر إنه مش هيكمل فقرته إلا لما فرقة البحراوي تنزل من على المسرح، لإن كده كده بيغني "بلاي باك" وبالفعل طلبه اتنفذ وسط استياء من أعضاء الفرقة".

نرشح لك: قبلات محمد سامي لـ مي عمر في حفل خطوبة شقيقته (فيديو)

وأضاف "قبل ما حسن شاكوش ينزل ويخلص فقرته قررت فرقة رضا البحراوي تطلع على المسرح مرة تانية وده خلى فيه غضب كبير عند شاكوش اللي وهو نازل من على المسرح وجه ليهم إشارات خارجة وبذيئة ومن هنا كان الرد بينه وبين فرقة رضا البحراوي وتبادلوا توجيه السباب.. وحاول هنا (الفنان) حمو بيكا التدخل في الموضوع وإنهاء الأمر قبل أن تحدث كارثة حقيقة وخناقة شوارع في الساحل الشمالي".

وتابع "وصل رضا البحراوي الحفلة وعرف اللي حصل وأول حاجة عملها وجه التحية لفرقته الموسيقية وبدأ يغني وبعدها وقف الغنا وفضل ينادي على شاكوش، وقال: شاكوش فين.. مشي.. كنت عايزه والله.. بس للأسف خد بعضه وجري..عايزه يدعي لحمو بيكا".

لا يفوتك: "ملحمة الشموس الثلاثة" ... حكايات من حفل الشاب خالد ورشيد طه والشاب فضيل الأسطوري

اقرأ أيضا:

أيمن بهجت قمر ينتقد تصرف مي حلمي مع الكابتن أحمد صالح ويطالب الأعلى للإعلام بالتدخل

#شرطة_الموضة: أنغام تختتم حفلاتها الصيفية بفستان فخم .. مستوحى من أزياء داليدا

هل كان فاروق الفيشاوي صاحب دور "بشر عامر" في "زيزينيا"؟ نبيل الحلفاوي يجيب

تعرف على علاقة ركين سعد بشقيق "ليان" في "مدرسة الروابي"