مروان بابلو ينضم للرابرز المتبرئين من المصور المتحرش: أرفض هذا النوع من الرجال

محمد أحمد | فى حياة المشاهير

مروان بابلو

الأربعاء , 16 يونيو 2021 - 21:06 | اخر تحديث: الأربعاء , 16 يونيو 2021 - 21:06

انضم مطرب الراب مروان بابلو لمطربا الراب مروان موسى وعفرتو بعد أن تبرأوا من مصورهما الشخصي أحمد طارق بعد تورطه في أكثر من اتهام بالتحرش بالفتيات.

وعبر مروان بابلو عبر خاصية Stories موقع التواصل الاجتماعي Instgram عن صدمته من هذا الأمر قائلا: "مصدوم من الأخبار الحاصلة من امبارح وأنا فعلا اشتغلت مع أحمد طارق كذا مرة وكنت من أوائل الناس اللي اشتغل معاهم إذا مكنتش أولهم".

نرشح لك: 5 ملاحظات من كليب محمد رمضان "ثابت"... ماذا قصد بالقاء"الصحف" على الأرض؟

وتابع "بابلو": "أرجو أنه مستخدمش صوري تاني وانأ موقفي معروف ضد التحرش والمتحرشين وهو الرض التام للنوعية دي من الرجالة".

وكان مروان موسى وعفروتو قد أعلنا مقاطعتهما لمصورهما الشخصي، وكتب مروان عبر خاصية Stories بتطبيق Instagram: "وصلتني أخبار أن مصور كان شغال معايا كتير في الفترة الأخيرة متهم بالتحرش ضد أكتر من بنت، الشخص دا قريب مني ومن فريقي، ولما سمعنا القصص وشوفنا السكرينشوتس اتصدمنا لأننا ماشوفناش منه الجانب دا... بالنسبة لي التعامل مع البنات بالشكل دا حاجة غير مقبولة، فأنا عن نفسي قررت ألغي كل الأعمال القادمة مع الشخص دا".

أما عفرتو فكتب عبر حسابه بتطبيق Instagram: "صحيت انهاردة على منشنات كتير أغلبها من بنات وكلهم بيقولوا أن المصور اللي بشتغل معه متهم بالتحرش بكذا بنت وباسكرينات تصدم، ودي حاجة صدمتني في الشخص أكتر منكم بكتير لأنه كان قريب مني ومن التيم كله، وعمري ما فكرت أن الشاب دا كدة بالعكس عمري ما شوفته مع بنت أصلا".

وتابع: "ومحستش بالكلام دا لأن احنا كرجالة وأسلوبنا مع بعض بيكون هناكل ايه وهننزل فين فمستحيل يخلينا ناخد بالنا من حاجة زي دي، بس أنا شخص ضد التعامل بالشكل ده مع البنات لأن بنات الناس مش لعبة... فأنا هوقف شغل مع الشخص دا وده قراري الشخصي، ولو الشخص دا طلع مظلوم فأنا آسف له من دلوقتي".

واختتم كاتبا: "أنا قولت كلمتين أخلص بيهم ضميري عشان أنا عندي أهل وعندي واحدة في حياتي وداخل على خطوبة وبخاف على كل دول إن يحصل معهم ربع الموقف ده".

وكانت إحدى الفتيات نشرت عبر Instagram شهادة لها ولعدد من الفتيات تكشف محاولات المصور أحمد طارق للتحرش بهن.