مروان موسى وعفرتو يقاطعان مصورهما الشخصي المتهم بالتحرش

مي جودة | فى حياة المشاهير

عفروتو ومروان موسى

الأربعاء , 16 يونيو 2021 - 18:57 | اخر تحديث: الأربعاء , 16 يونيو 2021 - 18:57

أعلن مغنيا الراب مروان موسى وعفروتو مقاطعتهما لمصورهما الشخصي بعد تورطه في أكثر من اتهام بالتحرش بالفتيات.

أكتب مروان عبر خاصية Stories بتطبيق Instagram: "وصلتني أخبار أن مصور كان شغال معايا كتير في الفترة الأخيرة متهم بالتحرش ضد أكتر من بنت، الشخص دا قريب مني ومن فريقي، ولما سمعنا القصص وشوفنا السكرينشوتس اتصدمنا لأننا ماشوفناش منه الجانب دا".

وتابع: بالنسبة لي التعامل مع البنات بالشكل دا حاجة غير مقبولة، فأنا عن نفسي قررت ألغي كل الأعمال القادمة مع الشخص دا".

أما عفرتو فكتب عبر حسابه بتطبيق Instagram: "صحيت انهاردة على منشنات كتير أغلبها من بنات وكلهم بيقولوا أن المصور اللي بشتغل معه متهم بالتحرش بكذا بنت وباسكرينات تصدم، ودي حاجة صدمتني في الشخص أكتر منكم بكتير لأنه كان قريب مني ومن التيم كله، وعمري ما فكرت أن الشاب دا كدة بالعكس عمري ما شوفته مع بنت أصلا".

وتابع: ومحستش بالكلام دا لأن احنا كرجالة وأسلوبنا مع بعض بيكون هناكل ايه وهننزل فين فمستحيل يخلينا ناخد بالنا من حاجة زي دي، بس أنا شخص ضد التعامل بالشكل ده مع البنات لأن بنات الناس مش لعبة.

وأضاف: فأنا هوقف شغل مع الشخص دا وده قراري الشخصي، ولو الشخص دا طلع مظلوم فأنا آسف له من دلوقتي.

واختتم كاتبا: "أنا قولت كلمتين أخلص بيهم ضميري عشان أنا عندي أهل وعندي واحدة في حياتي وداخل على خطوبة وبخاف على كل دول إن يحصل معهم ربع الموقف ده".

وكانت إحدى الفتيات نشرت عبر Instagram شهادة لها ولعدد من الفتيات تكشف محاولات المصور أحمد طارق للتحرش بهن.

اقرأ أيضا

ريهام سعيد تعلن إصابتها بمرض مزمن (فيديو)

بفستان زفاف قصير وبدل رقص .. ماذا فعلت النجمات في ليلة حنة أماني كمال؟ (صور وفيديو)

بعد ضحكات ياسمين عبد العزيز... بوسي شلبي تعلن عن لقاء جديد مع ريهام حجاج

من المالديف... نسرين طافش تكشف عن الطريق المختصر إلى السعادة