سلاف فواخرجي عن قضية نانسي عجرم وزوجها: الموضوع أكبر مننا

هالة أبو شامة | فى حياة المشاهير

سلاف فواخرجي، فادي الهاشم، نانسي عجرم

الاثنين , 13 يناير 2020 - 20:56 | اخر تحديث: الاثنين , 13 يناير 2020 - 20:59

علقت الفنانة السورية سلاف فواخرجي، على قضية مقتل مقتحم منزل الفنانة اللبنانية نانسي عجرم.

اقرأ أيضًا: علاقة مريم سعيد بدنيا بطمة وحساب فضح المشاهير "حمزة مون بيبي"... ألغي زفافها قبل يوم واحد

نشرت فواخرجي، عبر حسابها الشخصي على موقع Instagram، صورة جمعت فيها بين القتيل وأبنائه، وبين نانسي وزوجها وبناتهما، وعلقت كاتبة: "القانون هو الفيصل، وفي ظالم وفي مظلوم، وفي عدالة على الأرض ولو بنسب قليلة، وفي عدالة بالسما أكبر من كل النسب، كل الناس بتطلب رأي أو موقف من الفنان، والفنان جزء من المجتمع لازم يقول ويحكي أكيد، بس لما بتكون الأمور لسا ما اكتملت صورتها".

تابعت: "ولما بتكون بإيدين القضاء، نحنا ما فينا نبت أو نعطي أحكام وقرارات ولا بيجوز نتدخل لأنو الحقيقة بعدها ما وضحت والقضية شائكة جدا، ولكل الناس اللي عم تطالبني بإبداء الرأي بالقضية وكأنو قراري هو الحكم، أو لمجرد إثبات موقف أو اللحاق بسبق السوشيال ميديا (والقصة مو هيك وأكبر من هيك )، أنا بوقف جنب الإنسان المظلوم بغض النظر عن جنسيته ،ما حدا بيقبل بالظلم لا إلو ولا لغيره، وصحيح السوري انظلم من إخوته كتير، بس التعميم غلط، وبكل بلد في صالح وفي طالح".

أضافت: "الجنسية متل الاسم مالو علاقة فيها البني آدم بتخلق معه، والعنصريين وين ما كانوا هم ناس مريضين، وبوقف أكيد مع ابن بلدي بالحق ولو كان بآخر ما عمر الله ،وكل نقطة دم منه هي من دمي، ولو نانسي ودكتور فادي مذنبين أكيد رح ياخدوا جزاءهم، بس الموضوع أكبر مننا ومن تقييمنا، وماحدا قدر يعرفه، لحد هلأ عالقليلة، والأكيد كمان إنو هنن مو مجرمين بالأصل ولا ساديين، بس في شي صار غلط وغير مقبول، وأكيد هنن عيلة منيحة ما سمعنا عنهم كلام سيء بيوم من الأيام، وعندهم عيلة وبنات، والڤيديوهات اللي عم تنزل والأغاني والشماتة ما بتليق بإنسان تعرض لمصيبة بكل معنى الكلمة ولا بفنان بيوم من الأيام قدم سعادة للناس، مانو إله طبعا، وبيغلط وممكن يكون يتحول لمجرم بلحظة ما، بس مو باللحظة اللي وقع فيها نكون نحنا مجرمين".

أردفت: "الله يرحم ابن بلدي ويصبر أهله وعيلته وولادو، وولادو متل ولادي وولادنا كلنا، وان شاء الله بيرجع حقه كإنسان وبيفك الظلم عنه، واللي صار معه حفر بقلوبنا ألم ووجع ما بيخلصوا، والرب وحده اللي بيقتص من الظالم عاجلا أو أجلا، اتركوا مناصب المحامين والقضاة وبعدوا عن كونكم أوصياء على المجتمع، وكل واحد فينا عندو مية مشكلة ومية عيب، وكلنا معرضين باللحظة ما نكون مظلومين أو ظالمين، وأكيد في شي ما حدا بيعرفه صار، واللي صار أكبر من فن وشهرة، في بيوت وفي أسرار وفي بشر".

اختتمت: "عنا ثقة بالقضاء اللبناني وعنا ثقة بالمحامين السوريين المهمين اللي استلموا القضية وبكل المحامين العرب اللي اتطوعوا لكشف الحقيقة وتضامنوا مع محمد الموسى والهم كل الاحترام والتقدير، وعنا ثقة قبل كل شي بالله العادل والرحمن والرحيم، وخلوا البشر بحالهم ولا يكونوا سلعة نسوقلها".

جدير بالذكر أن فيلا الفنانة اللبنانية نانسي عجرم، في نيو سهيلة بلبنان قد تعرضت للاقتحام، من قبل أحد الأشخاص ويدعى محمد حسن موسى، سوري الجنسية، بغرض السرقة.

ووفقا لما ذكرته وسائل إعلام لبنانية، فقد تمكن السارق من التسلل ليلاً الى داخل المنزل حاملا مسدسه الذي تمكن بواسطته من إبعاد ثلاثة حراس شخصيين للمنزل، بمجرد أن شهر المسدس عليهم، وتابع سيره داخل المنزل، لكنه فوجئ بزوجها الدكتور فادي الهاشم فأشهر مسدسه في وجهه ليحدث إطلاق نار بين الطرفين، مما أدى إلى مقتل السارق على الفور وحضرت إلى المكان عناصر من القوى الأمنية والأدلة الجنائية والتحقيقات جارية.

اقرأ أيضًا:
محامي زوج نانسي عجرم ينفي إلقاء القبض على الثنائي مجددا
بالفيديو- صحفي لبناني يكشف نوع مسدس زوج نانسي عجرم