بعد إحراجه لمعجب..قائمة تصرفات العسيلي المثيرة للجدل

مروة لبيب | فى حياة المشاهير

محمود العسيلي

الأربعاء , 17 يوليو 2019 - 12:58 | اخر تحديث: الأربعاء , 17 يوليو 2019 - 13:40

موجة من الانتقادات الواسعة نالها المطرب محمود العسيلي عبر مواقع التواصل الاجتماعي بسبب إحراجه لمعجب خلال حفله الأخير.

اقرأ أيضا

إعلامية تشهد ضد العسيلي: شوفته بيحرج الجمهور أكتر من مرة

بدأت القصة عندما طلب أحد المعجبين من العسيلي أن يلتقط صورة معه خلال الحفل ليرد عليه الأخير بطريقة قاسية أمام الجمهور موجها له اللوم على هذا الطلب قائلا "حضرتك جامد جدًا، معاك واسطة أو حاجة كده، ولا بتحبني وكل الناس دي بتكرهني، لو اتصورت معاك مش المفروض إني أتصور مع الناس دي كلها".

سرعان ما انتشر هذا الفيديو عبر مواقع التواصل الاجتماعي وشن الكثيرون حملات هجوم على العسيلي بسبب طريقته الحادة في رفض التصوير مع الشاب متهمين إياه بالغرور والتكبر على الجمهور.

وعلى الرغم من محاولة العسيلي توضيح موقفه بعد تصاعد حدة الهجوم ضده من خلال رده على أحد المتابعين له عبر Twitter قائلا" حضرتك فاهم الموضوع غلط خالص.. دي كانت حفلة كبيرة جدا فيها مئات الطلبة وواحد منهم مصمم يتصور ولو اتصورت معاه مش هاغني لأني لازم أتصور مع كل الناس اللي في الحفلة.. باقوله اشمعنا هاتصور مع حضرتك انت بس.. من فضلكم متحكموش على حاجة انتوا مش فيها.. وشكرا"، لا يزال الجدل مستمرا حول تصرفه المثير للدهشة.

ايه موضوع الوسطه دا يا عسيلي هو لازم إللي يتصور معاك يبقي معاه واسطه ؟؟@Esseily pic.twitter.com/IeBsTd3SIQ

— #ابو_سليم (@mohamedel3raby2) July 16, 2019

ولكن ! هل تعد هذه المرة الأولى التي ينال فيها العسيلي انتقادات واسعة بشأن تصرفاته المثيرة للجدل؟ الجواب لا سبق وأن أثار العسيلي غضب جمهوره العديد من المرات نرصدها لك في التقرير التالي:

حضرتك حشرية زيادة

كان هذا رد العسيلي على إحدى متابعيه عندما سألته عن طبيعة علاقته بفتاة ينشر لها العديد من الصور تجمعه بها ليرد بسخرية عرضته لانتقادات عديدة.

حساب يحمل اسم "الفرعونة المصرية" علق على صورة العسيلي مع الفتاة "ما هو يا تعلن علاقتك بيها زي البني آدمين أو تبطل تنزل صور زي دي".

ليأتي رد العسيلي الذي صدم الكثير من متابعيه "أستاذة فرعونة، حضرتك مش ملاحظة أنك حشرية زيادة عن اللزوم وبتحشري نفسك في حاجات وخصوصيات بجد انتي مالكيش أي دعوة وأول مرة أعرف ان الفراعنة بيحطوا مناخيرهم في اللي ملهمش فيه".

وفي أعقاب تعرضه لانتقادات عنيفة اضطر العسيلي لحذف التعليق المثير للجدل، مكتفيًا بوجود الصورة على حسابه دون الرد على أي من أسئلة المتابعين.

انتي كارتة وخنفة

على الرغم مما تعرضت له الفنانة اللبنانية ميريام فارس من انتقادات بسبب تصريحاتها خلال المؤتمر الصحفي في مهرجان "موازين"، التي اعتبرها الكثيرون مسيئة لمصر، كان لتعليق محمود العسيلي النصيب الأكبر من الانتقادات بل وجد نفسه في ورطة.

عبر حسابه الرسمي على موقع Twitter، كتب العسيلي تغريدة دون ذكر اسم ميريام فارس بشكل صريح جاء فيها " كارته و خانفة .. عشان كدا إنتي تقيلة على مصر".

كارته و خانفة .. عشان كدا إنتي تقيلة على مصر

— Mahmoud El Esseily (@Esseily) June 23, 2019

ليتعرض لموجة واسعة من الهجوم عبر مواقع التواصل الاجتماعي بسيبب سخريته من أصحاب الشعر المجعد إلا أنه عاد واعتذر موضحًا أن والدته "كرتة" على حد وصفه، وكذلك كان هو قديمًا، وكتب عسيلي في تغريدة له عبر حسابه على Twitter: "إلى كل البني آدمين اللي شعركوا كيرلي أو اكرت احب اقولكو أن أمي شعرها أكرت، وأنا كنت اكرت قبل ما أبقى اقرع، و باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا .. أنا اقصد واحده بس خانفه وكارته استهزئت بمصر فقلت اردحلها شوية بالبلدي".

إلى كل البني آدمين اللي شعركوا كيرلي أو اكرت احب اقولكو ان أمي شعرها أكرت و أنا كنت اكرت قبل ما أبقى اقرع 😅و باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا .. أنا اقصد واحده بس خانفه و كارته استهزئت بمصر فقلت اردحلها شوية بالبلدي 👊🏽

— Mahmoud El Esseily (@Esseily) June 24, 2019

ولكن موجة الهجوم لم تتوقف!

بلوك للإخوة اللي عايزين يبقوا ملحنين

أثار هجوم العسيلي على الشعراء والملحنين الشباب غضبا واسعا عبر مواقع التواصل الاجتماعي ممن يحاولون التواصل معه من أجل مساعدتهم في دخول عالم الفن.

وسخر العسيلي من هذا الأمر في تغريدة عبر Twitter قائلا "الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص ويكلمك فجأة على أنه متربي معاك وإنكم كنتوا مع بعض في المدرسة ويبعتلك... من الأغاني وسبحان الله كلهم الجو بتاعك ولايقين عليك وباعتهملك مخصوص.. بلوك مع جزيل الشكر".

الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص و يكلمك فجأة على انه متربي معاك و إنكو كنتوا مع بعض في المدرسة و يبعتلك إسهال من الأغاني و سبحان الله كلهم الجو بتاعك و لايقيين عليك و باعتهملك مخصوص .. بلوك مع جزيل الشكر #اسمع_الخيال_دا_يانجم

— Mahmoud El Esseily (@Esseily) ١٢ سبتمبر ٢٠١٨

وتلقى العسيلي اتهامات بالغرور والتكبر على تلك المواهب الشابة وأنه كان في يوم من الأيام مثلهم يحتاج مساعدة.

الردود دي جاية من جهل أو غباء

يبدو أن محمود العسيلي لا يتمتع بروح رياضية في تقبل الرأي والرأي الآخر حيث أثارت ردود بعض متابعيه غضبه وجعلته يخرج من صمته ليتساءل عن سبب هذه التعلقيات السلبية.

فكتب العسيلي عبر حسابه على Twitter بنبرة غاضبة :"لما بأكتب بوست على تويتر و ألاقي ناس بترد ردود يعجز اللسان عن وصفها و بقي بيفتح و عيني بتوسع و عروقي بتطلع و بيكون في ميكس بين اني عايز اعيط وبين اني عايز أدوس حد بعربية نقل..
السؤال المهم : الردود دي جاية من الجهل ولا الغباء؟ و لا بيبقى ميكس او كومبو جميل بين الاتنين ؟

لما بأكتب بوست على تويتر و ألاقي ناس بترد ردود يعجز اللسان عن وصفها و بقي بيفتح و عيني بتوسع و عروقي بتطلع و بيكون في ميكس بين اني عايز اعيط و بين اني عايز أدوس حد بعربية نقل..
السؤال المهم : الردود دي جاية من الجهل ولا الغباء ؟ و لا بيبقى ميكس او كومبو جميل بين الاتنين ؟

— Mahmoud El Esseily (@Esseily) May 22, 2018

ليلقى العسيلي ردود فعل غاضبة على إثر تلك التغريدة بسبب وصفه لتعليقات المعارضين له بالجاهلة والغبية.

اقرأ أيضا

بالفيديو- أول ظهور لابنة وائل كفوري

حمادة هلال يسخر من العجوز آيتن عامر.. هكذا ترد عليه