إعلامية تشهد ضد العسيلي: شوفته بيحرج الجمهور أكتر من مرة

filfan | فى حياة المشاهير

محمود العسيلي

الأربعاء , 17 يوليو 2019 - 12:49 | اخر تحديث: الأربعاء , 17 يوليو 2019 - 12:49

علقت الإعلامية لميس سلامة، على مقطع الفيديو الذي انتشر مؤخرًا للفنان محمود العسيلي، وهو يحرج أحد المعجبين، بعدما طلب منه التقاط صورة في حفله الأخير.

نشرت "سلامة" عبر حسابها الشخصي على موقع تبادل الصور والفيديوهات instagram، الفيديو الذي يظهر فيه لقطة إحراج العسيلي لهذا المعجب الذي طلب التقاط صورة معه، وكتبت عليه: "خسارة يا عسيلي طريقتك في التعامل مع الناس في الحفلات والأفراح هتخسرك كتير، ولولا حب ناس ولولا الشخص ده تحديدا اللي أنت أحرجته وكسرت بخاطره ماكنتش هتوصل للي وصلتله".

تابعت: "أنا واحدة من الناس اللي بتعشق أغاني عسيلي، وبس شوفته بنفسي في كذا مناسبة إزاي بيحرج الناس وزعلت جدا، راجع نفسك يا نجم وأجبر بخاطر اللي حبوك وبيساندوك وفرحهم".

View this post on Instagram

خسارة يا #عسيلي طريقتك في التعامل مع الناس في الحفلات والافراح هتخسرك كتير ولولا حب ناس ولولا الشخص ده تحديدا اللي انت أحرجته وكسرت بخاطره ماكنتش هتوصل للي وصلتله..انا واحدة من الناس اللي بتعشق أغاني عسيلي وبس شوفته بنفسي في كذا مناسبة ازاي بيحرج الناس وزعلت جدا ..راجع نفسك يا نجم واجبر بخاطر اللي حبوك وبيساندوك وفرحهم #محمود_العسيلي #العسيلي #عسيلي @esseily

A post shared by Lamis Salama-لميس سلامة (@lamissalama) on Jul 17, 2019 at 2:09am PDT

يشار إلى أن محمود العسيلي، كان قد واجه حملة واسعة من الانتقادات على مواقع التواصل الاجتماعي، بعد انتشار ذلك الفيديو، الذي وبخ فيه المعجب بطريقة لاذعة أمام الجمهور، قائلا: "حضرتك جامد جدًا، معاك واسطة أو حاجة كده، ولا بتحبني وكل الناس دي بتكرهني، لو اتصورت معاك مش المفروض إني أتصور مع الناس دي كلها"، مما اضطره للرد عبر حسابه الشخصي على موقع تبادل التدوينات القصيرة twitter، على أحد المتابعين كاتبًا: "حضرتك فاهم الموضوع غلط خالص.. دي كانت حفلة كبيرة جدا فيها مئات الطلبة وواحد منهم مصمم يتصور ولو اتصورت معاه مش هاغني لأني لازم أتصور مع كل الناس اللي في الحفلة.. باقوله اشمعنا هاتصور مع حضرتك انت بس.. من فضلكم متحكموش على حاجة انتوا مش فيها.. وشكرا".

اقرأ أيضا:

اقرأ أيضا:
محمود العسيلي لمنتقديه: أمي شعرها أكرت
صورة- ابنة عمرو دياب تنشر صورتها مع والدها... هكذا علقت