بعد النهاية الصادمة لـ"هوجان".. محمد إمام يوجه رسالة لجمهوره

نهال ناصر | فى حياة المشاهير

محمد إمام

الأربعاء , 5 يونيو 2019 - 11:52 | اخر تحديث: الأربعاء , 5 يونيو 2019 - 11:52

صُدم جمهور مسلسل "هوجان" للممثل محمد إمام بنهايته، بعد قتل هوجان ووفاة أغلب الشخصيات الأساسية في المسلسل.

وبعد انتهاء المسلسل حرص محمد إمام على توجيه رسالة شكر لجمهوره، ونشر عبر حسابه على Instagram صورة له من الكواليس وكتب أنه منذ بداية عرضه ويتلقى إشادات وشكر من متابعيه، والآن عليه هو أن يشكر جمهوره على دعمه له.

قال إن الجمهور عاش وتعاطف مع "هوجان" ومع كل ما مر به من مواقف صعبة، وطلب منهم الدعاء له كي يستطيع تقديم أعمال جيدة تسعدهم.

كما وجه شكره لكل من شارك في المسلسل سواء من الفنانين أو الفنيين أو العمال مؤكدا أن نجاح المسلسل لهم وبفضلهم.

كذلك وجه محمد إمام الشكر لزملائه من الممثلين سواء الذين عبروا عن إعجابهم بالمسلسل أو استعانوا به في مسلسلاتهم، مؤكدا أن أي نجاح لهم هو نجاج للجيل الجديد من الفنانين بأكمله.

View this post on Instagram

من أول #رمضان وانتوا الحمدلله بتشكروا في #هوجان .. دلوقتي انا اللي عاوز أشكركم .. على كلامكم و حبكم و تفاعلكم بالمسلسل .. بجد حسستوني ان #هوجان قريبكم او واحد من العيلة .. خفتوا عليه لما لعبوا بيه .. صعب عليكم لما أكل من الزبالة .. فرحتوله لما استلم شغل جديد .. احترتوله يحب وردة ولا نور .. قلقتوا عليه لما ضربوه بالنار .. زعلتوا منه اوي لما أنحرف .. شجعتوه ينتقم من اللي يتموه .. اطمنتوا لما شال ابنه .. اتبسطوا لما لقى خالته .. عيطوا لما لقى أبوه .. علشان لما اقولكم انتوا مش معجبين .. انتوا أهلي و إخواتي تبقوا تصدقوني 🤗❤️ ادعولي أقدر اقدملكم حاجات عظيمة زيكم 🔝 و عاوز أشكر كل طاقم فريق العمل اللي شاركني رحلة #هوجان .. فنانيين و فنيين و عمال و مساعدين .. مشوار طويل مليان تعب و مجهود و ضحك و قلق و حب .. شكراً على الأيام الجميلة دي .. النجاح ده بتاعكم انتم .. عمري ماحنساكم❤️❤️ و باشكر زمايلي الممثلين اللي فِرحولي و كلموني يباركولي .. و اللي اتكلموا عن مسلسلي في مسلسلاتهم .. نجاح اي واحد مننا نجاح للجيل كله 😘😘 أشوف وشكم على خير .. و عيد سعيد على #مصر و كل #الوطن_العربي إن شاء الله .. و استنوا اللي جاي .. علشان #اللي_جاي_ماجاش_زيه 😉🚀 #محمد_امام ⚡️ #ME

A post shared by Mohamed Emam (@mohamedemam) on Jun 4, 2019 at 3:05pm PDT

مسلسل "هوجان" بطولة محمد إمام، وكريم محمود عبد العزيز، وصلاح عبد الله، ورياض الخولي، وأوس أوس، وميرنا نور الدين، وعارفة عبد الرسول، وأسماء أبو اليزيد، وهاجر أحمد، من تأليف محمد صلاح العزب، وإخراج شيرين عادل.

اقرأ أيضا:

نهاية مأساوية لـ"هوجان" ورفاقه!

محمد إمام: التمثيل مهنة صعب جدا ابن فنان ينجح فيها