هكذا تحدثت الخطيبة السابقة لعمرو سمير عنه

هكذا تحدثت الخطيبة السابقة لعمرو سمير عنه

نهال ناصر | في الأخبار،حياة المشاهير تاريخ النشر: السبت ، 8 يوليو 2017 - 13:16 | آخر تحديث: السبت ، 8 يوليو 2017 - 17:4
عمرو سمير عمرو سمير
لازالت وفاة الممثل والمذيع الشاب عمرو سمير مؤثرة في كل من كان يعرفه عن قرب، وحتى من لم يعرفه وسمع بخبر وفاته.

خطيبته السابقة إسراء طاهر تحدثت عنه بكلمات رقيقة وحكت عن مواقف جمعتهما، مشيرة إلى أنهما رغم انفصالهما ظلا أصدقاء وهو الأمر الذي كان لا يفهمه الكثيرين.

وحكت إسراء عبر حسابها في موقع Facebook عن علاقتها بعمرو لتؤكد أنهما في الفترة الأخيرة تقربا من بعضهما وكانا يتحدثان كثيرا، وكيف كان عمرو متدين ويساعدها في هذه الناحية، وهو الأمر الذي أكده المقربين منه، وكتبت في المنشور والذي أرفقت معه صورة مجمعه للحظات جمعتهما:

"فيه ناس كتير مكانتش بتستوعب أو بتبلع صداقتي أنا وعمرو لمجرد إقتناعهم إن ماينفعش إتنين كانوا مخطوبين يبقوا أصحاب بعد كده. بس أنا بحمد ربنا إننا عرفنا نبقى كده، وبحمد ربنا إننا في الشهرين اللي فاتوا كنا قريبين أكتر من أي فترة في صداقتنا، كانت صداقة ليها شكل خاص جداً إحنا بس اللي فاهمينه.

رمضان اللي فات كنت بحكيله إني مش عارفة أقرا قرآن بشكل كافي بسبب التصوير، قعد تقريباً رمضان كله يشجعني اني أقرا ويفكرني كل شوية، أو يصورلي صورة من الجزء اللي هو فيه ويبعتهالي عشان يغيظني ويحمسني. ليلة ٢٧ كلمني مكالمة طويلة اوي وهزرنا كتير وإتفقنا على حاجات نعملها بعد العيد، وبعدها بدأنا نتكلم عن ربنا وقعد يتكلم عن قد إيه بيحبه اوي وبيزعل لو زعله ونفسه دايماً يعمل مجهود عشان يقرب منه. وقعد يشجعني ويدعمني في حاجات ليها علاقة بكلامنا كان عارف إنها مضايقاني. وفي أخر المكالمة قال لي "أنا عارف إنك زعلانة عشان مش هتعرفي تصلي التهجد وإنتي في التصوير بس أنا هدعيلك وأنا بصليها، وإنتي برضه أقعدي ادعي وسبحي لحد الفجر." وبعد الصلاة كلمني وقال لي داعيتلك كتير اوي.

على قد ما قربنا أكتر مؤخراً واجع قلبي دلوقتي، على قد ما هو باسطني عشان مرتاحة إن ماحدش فينا شايل ذرة ضيق من التاني في اي حاجة.

وأختتمت كلامها مؤكدة أنها ستفتقده كثيرا وتفتقد الحديث معه: "هفتقدك اوي يا عمرو وهفتقد هزارنا وكلامنا وهفتقد جداً جداااااً علاقتنا المختلفة اللي بيتهيألي مستحيل يبقى عندي زيها تاني أبداً.
ربنا يصبر طنط ماجدة ويربط على قلبها وينور قبرك ويثبتك عند السؤال ويرزقك الجنة.. يا رب تبقى مرتاح أكتر من اي وقت فات. إنت كنت دايماً حسن الظن بربنا وهو هيبقى عند ظنك به".



وتوفي المذيع الشاب عمرو سمير عن عمر 33 عام أثر أزمة صحية أثناء تواجده في أسبانيا للاستجمام هناك.


اقرأ أيضا:

سلمى صباحي تدافع عن نفسها بعد ظهورها تضحك رغم وفاة صديقها عمرو سمير

بالفيديو- مذيعة cbc تبكي على الهواء بسبب وفاة زميلها عمرو سمير

comments powered by Disqus

2004-2015 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"