بالفيديو- أنغام ردا على جمهورها بعد أن قالوا لها "دي قلة ذوق": "أتربيت على إيديكم"

نهال ناصر | فى حياة المشاهير

أنغام

الجمعة , 27 مايو 2016 - 13:40 | اخر تحديث: الجمعة , 27 مايو 2016 - 22:29

أحيت المطربة أنغام مساء، الخميس 26 مايو الجاري، حفلا غنائيا بأوبرا جامعة مصر.

وتعرضت أنغام لموقف لا تحسد عليه، حيث استقبلها الجمهور استقبالا غاضبا بسبب تأخرها عن الصعود على المسرح لما يزيد عن الساعة عن موعدها المحدد، مما أغضب الجمهور منها.

وروى الكاتب عمر طاهر والذي كان واحدا من ضمن حضور الحفل، الموقف عبر حسابه في موقع Facebook، فكتب: "باحضر حفلة لأنغام جت متأخرة أكتر من ساعة، فيه ناس م الجمهور استقبلوها بصريخ ال ييييييييه و قالوا لها دى قلة ذوق وعدم احترام.

وتابع: "اعتذرت وقالت إنها موجودة من بدري ومش ذنبها التأخير وابتدت تغنى عادى".

واستكمل: "بعد تالت غنوة .. قالت شكرا لأن النهاردة اكتشفت إنى كبرت.. لأنى قدرت استحمل المقابلة دى وأغنى. . قبل كدة ماكنتش هاستحمل وأمشى. . بس النهاردة عرفت إنى كبرت عشرين سنة على الكام وأربعين بتوعي والفضل ليكم.. وكان لازم أقول الكلمتين دول علشان أعرف أكمل. ثم غنت أنغام كما لم تغن من قبل".

ونشر الزميل الصحفي محمد عمر فيديو لكلمة أنغام في الحفل والتي وضح من صوتها الجدية والتأثر بما حدث وقالت أنغام لجمهورها: " أنا اتربيت على أيديكم فعلا، بمعنى أنا في حاجات كتير في شخصيتي اتغيرت، في أمور بقيت أقوى فيها وفي حاجات بقيت أضعف، أنا زمان وأنا صغيرة ابتديت طفلة كنت بطلع على المسرح سني 8 أو 9 سنين، وبعدين ابتديت أكون مختلفة وأنا عندي 15 سنة، كان دخولي على المسرح واستقبال الناس ميهمنيش لأني مكنتش مدركة أهميته ومكنش نجاحي أو فشلي بيعنيني وأنه ممكن يدمرني، كنت بفرح باستقلال الناس لأني كنت بشوف نفسي وبتعالى على زمايلي".

وتابعت: "بس كل ما أكبر بقيت بخاف من دخولي للمسرح ومقابلتي ليكم، واكتشفت النهاردة أني كبرت فوق عمري 30 سنة علشان استقبالكم النهاردة ليا علشان الناس كانت زعلانة فيه".

وأوضحت ما تقصده بكلامها قائلة: "ليه كبرت؟ لأني قدرت أتحمل اللي حصل، لو مكنتش كبرت من جوايا بسبب تربيتكم ليا كنت مشيت ومكملتش، تربيتكم خلتني أفهم يعني إيه مسرح".

وتابعت: "أنا كبرت واتربيت على أيديكم، والنهاردة كبرت تلاتين سنة فوق اللي حاجة وأربعين اللي عندي، ومكنتش هامشي علشان زعلانه كنت هامشي علشان مش هقدر استحمل، فأنا النهاردة ادوتني درس مش هنساه وعلمني مع إني حقيقي مكنش ذنبي".

اليوم قدمت @Angham مثالا رائعًا بحسن تصرفها في حفلها بأوبرا جامعة مصر؛ الذكاء والخبرة عاملان أساسيان في الاستمرارية.https://t.co/uVvf84jjnu

— Mohamed Omar (@MohamedOmar) May 26, 2016

وحسب الأخبار فأن سبب تأخر أنغام هو وجود عدد من مراسلي القنوات الفضائية للتسجيل معها بعد الحفل ونقله وتصويره، وهو ما اعترض عليه منظم الحفل ونشبت مشكلة تسببت في تأخر صعود أنغام للمسرح، رغم تواجدها في الكواليس، وهو ما أغضب الجمهور بشدة.

وأطلت أنغام بفستان أسود طويل بتطريزات ذهبية ضيق على شكل "السمكة"، تاركة شعرها ينسدل على كتفيها.

طالع أيضا

بيان من مدير أعمال أنغام: لهذه الأسباب حدثت أزمة المطربة مع جمهورها ولم أسب الصحفيين
من أجل "واحدة كاملة" أنغام في جلسة تصوير جديدة
أنغام: مصر تحتاج إلى اهتمامنا جميعا.. ولماذا لا نفعل مثل تركيا؟
بالصور- أنغام في الأستوديو لمفاجأة جمهورها بأغنية جديدة