تامر أمين يهاجم انتشار فيديو لزواج مثليين في مصر: لو سكتنا على ده هنبقى خواجات

الثلاثاء , 2 سبتمبر 2014 - 14:11

انتقد الإعلامي تامر أمين الفيديو الذي انتشر مؤخرا عبر You Tube ولزواج 2 من المثليين في مصر.

وقال "أمين" في فيديو سُجل له من كواليس برنامجه "من الآخر" على قناة "روتانا مصرية": "في فيديو منتشر على مواقع التواصل الاجتماعي لحفل زفاف إتنين رجالة على بعض "مثليين"، والغريب إنهم بعد الحفلة وتلبيس الدبل وتقبيلهم لبعض نشروا الفيديو أمام الجميع".

وتابع: "أنا عارف إني زودتها في موضوع الاحترام والحياء، وهتقولولي يعني جبت التايهة.. ما احنا عارفين إن في مثليين في مصر، وأنا عارف ده كويس برضه، بس لما الموضوع يتحول لنشر الرذيلة فده الفجور بعينه".

وأضاف: "إذا بليتم فاستتروا، وعايزين تعملوا كده ربنا يحاسبكوا، إنما تروّجوا لده علشان ناس تتشجع وتعمل مثلكم فده مرفوض".

واختتم تامر رسالته المصورة: "مش هنسكت على الحال ده، وعمر مصر هاتبقى لامؤاخذة، ولو سكتنا على ده هنبقى خواجات".