سامو زين يطرح "عيشني" الأغنية الثانية من الميني ألبوم

فى موسيقى وحفلات

الخميس , 6 أغسطس 2026 - 00:25

طرح النجم سامو زين الأغنية الثانية من ميني ألبوم "عيشني" بنفس الاسم، وذلك عبر قناته الرسمية على يوتيوب ومنصات الموسيقى المختلفة.

أغنية "عيشني" من كلمات محمد البنداري، ألحان محمد شحاتة، توزيع محمود صبري، وتقول كلماتها:

"سمعتوا عن الحب وجماله
والسهر اللي بيحلو بيه
طب حد يشوف أنا قلبي ماله
بتزيد دقاته قصاد عينيه

أوصف واقول إيه بس تاني
ما هو ده الحب اللي نفسي فيه
لو أغنيله كل الأغاني
برضه هيبقى قليل عليه

عيشني
أجمل سنين عيشني
ده وهو جنبي واحشني

وفي ثانية خدنى لدنيا تانية وفيها بيعيشني

حنية قلبه مطمناني
وفي حضنه إحساس بالأمان
والضحكة الحلوة مجننانی
ده ياريتني قابلته من زمان

الدنيا وحظى بيضحكولي
وبقيت أنا بسهر بالساعات
حبیت ویاما زمان قالولی
الحب بيعمل معجزات"

وكان سامو زين طرح قبل أيام الأغنية الأولى من الميني ألبوم بعنوان "بايظة" بطريقة الفيديو كليب.

أغنية "بايظة" من كلمات وألحان تيام علي، وتوزيع موسيقي تيام طارق، و ميكس وماستر وسام عبد المنعم، وانتاج SZ Music فكرة و رؤية اخراجية سامو زين، ومن توزيع شركة Digital Sound.

ويقدم سامو زين ميني ألبوم جديدا، مكونا من 5 أغنيات مختلفة ومتميزة، وبها العديد من الأفكار سواء في الكلمات أو الألحان أو التوزيع الموسيقي، ومن المقرر أن يطرح سامو زين باقي أغنيات الميني ألبوم "عيشني" خلال الأيام القادمة، بمعدل أغنية كل أسبوع.