دياب يطرح "بالسلامة والله يسهل له" ... تعرف على كلمات الأغنية

فى موسيقى وحفلات

الثلاثاء , 26 أغسطس 2025 - 21:54

طرح النجم دياب أحدث أعماله الغنائية بعنوان "بالسلامة والله يسهل له".

أغنية "بالسلامة والله يسهل له" من كلمات عمرو قطب، ألحان حسين زكريا، توزيع رامي نور، وتقول كلماتها:

"اللي في بعدنا يلقي الراحة
الله يديمها عليه
واللي وجودنا تقيل على قلبه
ياخد الباب في إيديه
لا هنسأله طب إيه كان تاعبه
ولا قصرنا في إيه
مابقاش عندنا خلق نحايل
حد وندادي فيه

مش واقفين علي حد بعينه
ولا قلبنا مجروح
ألف مين يتمني وجودنا
وبالنسباله طموح
باي باي للي يفرط فينا
و الباب اهو مفتوح
استماره 6 هنيدله يروح
مطرح مايروح

بالسلامه والله يسهله
ألف بركه انها جت منه
دحنا ع الباب طوابير واقفه
و 100 ع التليفون بيرنوا

هو كان يحلم يقابلنا
يروح يبوس إيده ويدعيلنا
زينا يلاقي فين في الدنيا
ده احنا مكسب ليه وخسرنا

اللي مش هنحسه شارينا
وراه هنكسر زير
ولا هاتغرق بينا سفينه
ولا وقعنا في بير
مش غرور منا ولا تعالي
احنا فعلا غير
واللي يعرف غيرنا مسيره
يشوف الفرق كبير

احنا غاليين ع اللي قيمتنا
عارفها اوي وعزاز
واللي يمسك فينا يابخته
بالسعد والهنا فاز
احنا نتاقل بطيبتنا
باللولي والألماظ
واللي مانملاش عينه براحته
هو اللي عينه إزاز"

يذكر أن آخر أغنية طرحها دياب حملت عنوان "إيه إيه"، من إنتاج سلطان الشن، كلمات حازم إكس، ألحان عمرو أنور وكريم الصباغ، وتوزيع فلسطيني.