تامر حسني يطرح كليب "معلش" من ألبوم "هرمون السعادة" ... زاب ثروت يشاركه بطريقة الراب

فى موسيقى وحفلات

الثلاثاء , 23 يناير 2024 - 21:50

طرح النجم تامر حسني عبر قناته الرسمية بموقع يوتيوب أحدث أعماله الغنائية "معلش" بطريقة الفيديو كليب، والأغنية من ألبوم "هرمون السعادة"، ويشاركه الفنان زاب ثروت أداء جزء منها بطريقة الراب.

وأغنية "معلش" من كلمات وألحان وإخراج تامر حسني، وتوزيع معاذ، وتبدأ بمقطع تقول كلماته:

معلش .. استحمليني
انتي بس اللي بتديني فرصه احكي وتسمعيني
معلش .. استحمليني
عارفك لما تواجهيني مش بتضعفي وتجامليني
لا بتزهقي ولا بتملي
سمعاني وكتمالي سري
صدقك بس هو فعلاً
حقيقي اللي فاضلي

قالوا الصديق وقت الضيق
دلوقتي بقى سببه
متسألش الحبيب ليه مشيت
عشان حضر خلاص عذره
هتموت مرتين لو قلبك
رجع للي خذلوه .. آه

ميت شكراً للي وجعنا
وخان فجأه الامانه
كده كنا هنتعب اكتر
لو كان طول معانا
شكراً للي علمنا
نهاية التقدير اهانه

وكتب تامر حسني مقدمة حول ظروف كتابة الأغنية قال فيها: "ناس كتير مننا من كتر اللي جواها مبتعرفش تتكلم مع حد ويمكن لو اتكلمت وفتحت قلبها للي بتثق فيه دلوقتي ممكن يذلك او يعايرك بكل الوجع اللي حكيتهوله او يجاملك عشان ما يجرحكش لانه بيحبك بجد بس احيانا هتبقى عايز تعرف الحقيقه من غير مجامله ولا عواقب سلبيه بعد كده من حد يسمعك ميقاطعكش مهما اتكلمت سنين هيسمعك مش هيجاملك مش هيقلب عليك، الحد ده انا عبرت عنه في الكليب واكيد كل حد فينا ليه الشخص اللي بتكتمل فيه الصفات دي. ياترى اللي هيسمع الاغنيه مين هييجي في باله؟"