كريم أبو زيد يطرح كليب "إشاعات"

فى موسيقى وحفلات

الخميس , 8 يونيو 2023 - 21:54

طرح الفنان كريم أبو زيد عبر قناة Cube Music بموقع يوتيوب كليب أحدث أعماله الغنائية بعنوان "إشاعات".

أغنية "إشاعات" من إنتاج شركة cube Music للمنتج محمد علام ومدير إنتاج مصطفي طاطا، ومن غناء وكلمات وألحان كريم أبو زيد، توزيع إسلام ساسو، وهندسة صوتية لكل من أحمد جوده ومحمود عزت، والكليب من إخراج نبيل مكاوي.

وتقول كلمات أغنية "إشاعات":

إشاعات إشاعات إشاعات
كله بينقل حكايات
كله بيكدب وبيهري ويروج للإشاعات

إشاعات إشاعات إشاعات
ناس شغلتها إشتغالات
كله عمال يشير ف فضايح
من غير إثبات

نازلين تهم كده عاطل ف باطل
بقينا كلنا مش سالكين
نسينا روحنا كده وبنماطل
وف عيوب بعض مركزين

بنزيط ف الزحمه و ننشر ف فضايح
بنشوه سمعة بني ادمين
كبير و صغير كله طايح
داين تدان اه يا بني ادمين

كاس وداير بقى ع الكل
إشمت و اضحك زي الفل
واللي يفضح مش هيفرح
بكره يشوف بعنيه الذل

اللي يشير يوم اشاعه
بكره تجيلو يا صاحبي ساعه
هيتشرد ويتمرمط
يا زميلي دي الناس بياعه

أمي قالتلي استر تسلم
تمشي ع المايه وع النار تحرم
وتوبه توبه توبه هروج إشاعات

عملك راجعلك ومردودلك
الخير يجيلك ويقعدلك
وكفايه كفايه كفايه
تروجو إشاعات

بنزيط ف الزحمه و ننشر ف فضايح
بنشوه سمعة بني ادمين
كبير و صغير كله طايح
دي ولعة جاز كده علي بنزين

يذكر أن آخر الأعمال الموسيقية للمطرب كريم أبو زيد ديو غنائى مع المطرب الشعبى شحته كاريكا بعنوان "ايزي ايزي"، وهو من كلمات كالوشا، وألحان وليد العطار، وتوزيع إسلام ساسو، وإخراج محمد العوادلى، وتم طرحه عبر موقع الفيديوهات الشهير اليوتيوب فى شهر مايو الماضى وتخطى حاجز المليون مشاهدة.