طرح نجم الأغنية الشعبية حكيم عبر قناته الرسمية بموقع يوتيوب أغنية جديدة تحمل اسم "معلم".
الأغنية من كلمات هاني لشهب، ألحان علاء غنيم، وتوزيع زيزو فاروق، وتقول كلماتها:
معلم.. أنا فيك متشعبط ومتبت
والله ما أسيبك لو خربت
ده أنا فاكر أول يوم شوفتك
خليتني واقف متثبت
لا بجد معلم يا معلم
ومعلم على كل اللي شافوك
وأنا أول واحد يتكلم
وأشهدلك إني ماشوفتش أخوك
لا بجد معلم يا معلم
أنت الأستاذ وإحنا تلامذة
واقفين في طابورك من خمسة
أنا نفسي أتعلم يا معلم
ده أنا دوبت في حبك من همسة
ده أنا جنبك نونو وبتهجى
طمعان في حنانك بترجى
محتاج أتعلم على إيدك
النار في القلب بقت واجة
أنا قلبي مسلم يا معلم
والشوق جوايا بيضرب نار
خليتني أفضفض وأتكلم
وحكيتلك على كل الأسرار
أنت اللي ملخبطلي كياني
سبحانه جمالك رباني
كل الحلوين جنبك صيني
وأنت التوكيل مصري ياباني
أنت اللي مفيش أبدا منك
لا في جيلك ولا أصغر منك
أنت اللي منور على الشاشة
كل الحلوين بيغيروا منك
وكان حكيم طرح الشهر الماضي أحدث كليباته الغنائية بعنوان "تزاولني"، وهو من إخراج أحمد متولي، والأغنية كلمات إسلام كنكا، ألحان كريم الصباغ وإسلام كنكا، وتوزيع فلسطيني.