لجمال الشعر..نور تقدم وصفة فيتامينات للبنات

فى سينما وتلفزيون

السبت , 11 ديسمبر 2021 - 21:03

قالت الفنانة نور إن جمال شعر الفتيات يعتمد على وجود الفيتامينات في الجسم بنسب متوازنة، وتجنب الضغوط.

وأوضحت خلال استضافتها في برنامج "في البوكس" أنها لا تتناول الفيتامينات بشكل متواصل لأكثر من ثلاثة شهور، وتبحث دائما عن معلومات حول الفيتامينات على الإنترنت.

وشرحت نور أيضا رأيها في عمليات التجميل، ونرصد تصريحاتها في السطور التالية:

- عشان البنات يبقى شعرها حلو لازم كذا فيتامين. بيوتين، ولازم يبقى في حديد كفاية في الجسم، وطبعا يبعدوا عن الضغوط

- فيتامين "سي" حلو، و" بي كومبليكس" بس بيفتح الشهية، والفيتامينات لا تغني عن الأكل

- ناس كتير لسه بتناديني باسمي الحقيقي ماريان، القريبين والعيلة والشلّة

- معرفش أنحت في التمثيل. طبعا الفلوس مهمة، بس عمري ما أعمل حاجة تؤذيني أو مش مقتنعة بيها

- عمري ما عملت معرض رسم، وبحب أرسم حاجات من الطبيعة

- ماما كان عندها مصنع هدوم، وفاكرة إنها عملتلي فستان "سندريلا"

- أول ما وصلت مصر كان لازم تتكلم معايا ببطء شديد عشان أفهم، والمواعيد كانت بالنسبالي كارثة

- في حاجات في الأكل كانت جديدة عليا، زي الملوخية والسمك مع الرز، وكان في كلام لبناني ممكن لو قلته يتفهم غلط

- الجواز أسرع قرار في حياتي، اتعرفت على جوزي واتخطبنا واتجوزنا خلال 8 شهور

- ولادي شبه أبوهم وطبعاهم فيها حاجات مني

- معايا "باسوورد" ولادي على تيك توك، والسوشيال ميديا للسن الصغير لازم تبقى متراقبة

- أحمد حلمي في التصوير واخد الموضوع جد جدا، والكوميديا بس قدام الكاميرا

- متعقدة من "الشوبنج" وخصوصا عشان الملابس، والسفر بالنسبالي أحسن، ونفسي أروح الشرق الأقصى

- عندي كذا اسم دلع، واسم "ماريو" طلعته عليا مساعدتي

- بحب النمش بتاعي، وممكن أعمل عمليات تجميل لو حسيت إني محتاجة

- ساعات بعمل بوتوكس لكن مش بحب أغير شكلي

- أكثر حاجة بتضايقني المواعيد الغريبة وقلة الذوق

- مش ممكن أذوق الفسيخ، الرنجة ممكن